Սենատն ԱՄՆ-ի ֆինանսների նախարարի պաշտոնում հաստատել է Ջեք Լյուին
ԱՄՆ
ԱՄՆ-ի կոնգրեսի վերին պալատը չորեքշաբթի օրը ֆինանսների նախարարի պաշտոնում հաստատել է Ջեք Լյուի թեկնածությունը. հայտնում է Agence France-Presse-ը: Լյուի թեկնածությանը կողմ է քվեարկել 71 սենատոր, այդ թվում՝ նաև Հանրապետական կուսակցության 20 ներկայացուցիչ, թեկնածությանը դեմ է հանդես եկել Սենատի 26 անդամ:
Դեմոկրատ Ջեք Լյուն 1998–2001 թվականներին Բիլ Քլինթոնի վարչակազմում ղեկավարել է բյուջեի հարցերով վարչությունը, ապա ժամանակավորապես լքել է պետական ծառայությունը: 2006-2009 թթ. Լյուն զբաղեցրել է Citigroup ղեկավարի պաշտոնը, որը ամենախոշոր բանկային կորպորացիաներից մեկն է աշխարհում: Բարաք Օբամայի նախագահի պաշտոնում ընտրվելուց հետո Լյուն հրավիրվել է նրա վարչակազմ: Նախ նա զբաղեցնում էր ԱՄՆ-ի պետքարտուղարի տեղակալի պաշտոնը, ապա՝ բյուջեի հարցերով վարչությունը, իսկ 2012 թվականի հունվարից ղեկավարում էր նախագահի վարչակազմը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
