Ջոն Քերրին Հռոմում հանդիպումներ է ունեցել սիրիացի ապստամբների հետ

Համաշխարհային մեծ պետությունները հանդիպումներ են ունենալու Սիրիայի ընդդիմադիր գործիչների հետ այն բանից հետո, երբ Վաշինգտոնը նշել էր` պատրաստ է իր օժանդակությունը տրամադրել Սիրիայի ապստամբներին, որոնք պայքարում են նախագահ Բաշար Ասադին տապալելու համար: Այս մասին նշում է Agence France Presse գործակալությունը:

Իտալիայի մայրաքաղաքի «Սիրիայի ընկերների» հանդիպումների շրջանակներում Ամերիկայի պետքարտուղար Ջոն Քերրին հանդիպել է Սիրիայի ընդդիմադիր ճակատի ղեկավար Ահմադ Մուազ ալ Խաթիբի հետ:

Քերրին նշել է, որ Սիրիայի ապստամբ ղեկավարները կարիք ունեն մեծ օժանդակության և Վաշինգտոնը ցանկանում է արագացնել Սիրիայում քաղաքական անցումները: