Երևանում կանցկացվի «Հայերենն իմ սրտում է» երիտասարդական համաժողովը

ՀՀ սփյուռքի նախարարության կազմակերպմամբ ապրիլի 22-24-ը Երևանում կանցկացվի «Հայերենն իմ սրտում է» համահայկական երիտասարդական համաժողովը: Համաժողովին կարող են մասնակիցել 16-ից 30 տարեկան երիտասարդներ՝ ուսանողական և երիտասարդական կազմակերպությունների անդամներ Սփյուռքից, Հայաստանից և Արցախից:

Միջոցառման թեմատիկ քննարկումները վերաբերվելու են համազգային կարևորության խնդիրներին՝ Հայոց Ցեղասպանության միջազգային ճանաչման, դատապարտման ու հետևանքների վերացման, ինչպես նաև Արցախյան հիմնահարցի խաղաղ կարգավորման, հայոց լեզվի, հայկական մշակույթի և հայապահպանական այլ հարցերին, իհարկե, դրանցում կարևորելով հայ երիտասարդության դերը: