Բժիշկը միշտ ժողովրդի հետ է. Բարև, Հայաստան

Բժիշկը միշտ ժողովրդի հետ է...

Առջևում գարուն է, բայց որոշ բժիշկներ այդ գարունը դիմավորելու են ճաղերից այն կողմ… Մարդիկ, որ ուրիշներին տվել են հազարավոր գարուններ, գարնանային արևի ճառագայթն այսօր տեսնելու են բանտախցի պատին... Մարդիկ, որ իրենց կյանքը նվիրել են ուրիշների կյանքերի համար պայքարին այսօր լքված են և անիծված... Ուր է արդարությունը...

Ամբողջ կյանքը սովորել, անցկացնել անքուն գիշերներ, շնչել հիվանդի շնչառությամբ և տառապել ամեն կորցրած հիվանդի համար… Եվ վերջում դառնալ «ժողովրդի թշնամի», «անգութ կաշառակեր», «անիծված» և «մուրացկան»...

Բժիշկը սպանված է՝ ծեծելով սպանել են հիվանդին փրկելիս, իսկ նրա ընտանիքն այսօր դեռ ապրում է «դոմիկում»...
Բայց միևնույնն է, բժիշկը միշտ ժողովրդի հետ է…

Ժողովուրդն այսօր ոտքի է ելել՝ կանգնել է պաշտպանելու իր իրավունքը, իր ձայնը և իր պատիվը: Հայն արժանի է ապրել ՀՊԱՐՏ...
Այո, իրավ է ասված, բժիշկը քաղաքականության հետ կապ չունի, բայց բժիշկը միշտ ժողովրդի հետ է...

Եվ թող ոչ մեկի մտքով հանկարծ չանցնի ժողովրդի վրա կրակ բացել, ոչ մեկի մտքով հանկարծ չանցնի ժողովրդի վրա կրակ բացել, այլապես կրակի դիմաց կկանգնի «սպիտակ խալաթավորների» պարիսպ...

Վաղը գարուն է գալու...

Բարև, Հայաստան...

Հայտարարության տակ 1 օրվա ընթացքում արդեն ստորագրել է 68 բժիշկ...