Գուրգեն Դաբաղյան. Փողը երբեք ավելորդ չի լինում

Հրաշք-տղան՝ 2000-ականներից, ով բոլոր հայերին հմայում էր իր անկրկնելի հնչեղ ձայնով, երկրպագուներով լի համերգասրահներ էր հավաքում եւ ելույթ ունենում գրեթե բոլոր համերգներին, հանկարծ անսպասելիորեն անհետացավ: Չնայած արդեն մի քանի տարի է՝ Գուրգեն Դաբաղյանը վերադարձել է հայկական շոու-բիզնես, նրա անունը հնչում է ոչ այնքան հաճախ, որքան նախկինում: Երգչի ներկա գործունեության եւ անձնական կյանքի բոլոր մանրամասները ճշտել է NEWS.am STYLE-ի թղթակիցը:

Պատմեք, ինչի՞ ուղղությամբ եք հիմա աշխատում: Նոր նախագծեր կա՞ն:

Հիմա զբաղված եմ մի քանի երգերի ձայնագրմամբ: Մի քանիսն արդեն պատրաստ են: Շուտով նաեւ նոր հոլովակ կլինի:

Դուք երկու նոր հոլովակ են նկարահանել: Ի՞նչ կարող եք պատմել այդ մասին, եւ դրանցից ո՞րն առավել հայտնի դարձավ:

Ինչ վերաբերում է «Աննման եղնիկ»-ի ե՛ւ երգին, ե՛ւ հոլովակին, կարող եմ ասել, որ այն հաջողվեց: Մենք շատ լավ արձագանքներ են ստացել ե՛ւ ունկնդիրների, ե՛ւ մասնագետների կողմից: Ինչ վերաբերում է «Յար-յար» հոլովակին, կարող եմ ասել, որ դա կոմերցիոն նախագիծ էր: Ունկնդիրը շատ սիրեց ե՛ւ հոլովակը, ե՛ւ երգը:

Ասում են՝ հիմա Սիլվա Հակոբյանի հետ աշխատում եք նոր զուգերգի ուղղությամբ: Այդպե՞ս է:

Իհարկե, ես նախատեսում եմ զուգերգ ձայնագրել երգչուհիներից մեկի հետ, բայց ո՞ւմ հետ, դեռ չեմ որոշել: Իսկ Սիլվան իմ լավ ընկերն է:

Շատ հաճախ Ձեզ նկատում են տարբեր ակումբներում, տարբեր աղջիկների հետ: Լուրջ հարաբերությունների մասին չե՞ք մտածում:

Ինչ վերաբերում է լուրջ հարաբերություններին, հիմա դրա համար ժամանակ չունեմ: Ես հաճույք եմ ստանում իմ կյանքից:

Ինչն եք նախընտրում. փո՞ղ, թե՞ սեր:

Իհարկե, սեր: Բայց եւ փողը երբեք ավելորդ չի լինում:

Հավանաբար, շատ դժվար է վատ հարաբերություններ ունենալ հայտնի եւ բոլորի կողմից սիրված երաժիշտ, դուդուկահար հորեղբոր՝ Գեւորգ Դաբաղյանի հետ: Ասում են՝ վիճել եք: Այդպե՞ս է:

Ինձ հաճախ են այդ հարցը տալիս: Կարծում եմ նրանից, որ հիմա իմ բոլոր գործերով ես եմ զբաղվում: Իսկ հորեղբորս հետ հիանալի հարաբերություններ ունեմ:

Լուրեր են պտտվում, որ Դուք հիմա JOSE-ում եք երգում: Մի՞թե մեծ բեմը Ձեզ այլեւս չի հետաքրքրում: Հնարավոր է, փոխել եք Ձեր ո՞ճը եւ այլեւս ժողովրդական երգեր չե՞ք կատարում:

JOSE-ում երգում եմ մի քանի ամիս եւ կատարում եմ բացարձակապես իմ երգերը: Ինձ համար շատ կարեւոր է հանդիսատեսի հետ կապը, այդ պատճառով մեծ բեմից հրաժարվել չեմ պատրաստվում: Համերգներ ունենում եմ: Ես երբեք չեք փոխի իմ ոճը: Ես ժողովրդական երգեր եմ կատարել եւ կատարելու եմ միշտ:

Ձեզ հարսանիքների երգելու հրավիրո՞ւմ են:

Այո, իհարկե: Ինձ հրավիրում են երգելու ե՛ւ հարսանիքների, ե՛ւ այլ տոների: Ուրախ եմ, որ մարդիկ ցանկանում եմ տեսնել ինձ, լսել իմ երգերը եւ ինձ հետ բաժանել իրենց ուրախությունը: Այնպես որ, ես միշտ պատրաստ եմ:

Կան մարդիկ, ովքեր կարծում են, թե Դուք «աստղային հիվանդությամբ» եք տառապում: Ի՞նչ կասեք:

Եթե կան մարդիկ, ովքեր այդպես են մտածում, ուրեմն ես ասելիք չունեմ: Ես ունեմ հարազատներ եւ շատ լավ ընկերներ: Հենց նրանք են իմ հարստությունը:

Ճի՞շտ է, արդյոք, որ Ձեր անվան շուրջ պտտվող բոլոր բամվասանքները հենց Դուք եք տարածում:

Իսկ ինչի՞ս է պետք: Իմաստ չկա: Նույնիսկ կարող եմ ասել, որ կան բամբասանքներ, որոնց մասին, հնարավոր է, Դուք նույնիսկ չգիտեք:

Ինչո՞վ եք ցանկանում երկրպագուներին զարմացնել ապագայում:

Իմ ծրագրերում բոլոր նոր երգերի ձայնագրումն ավարտելն է: Դրանից հետո համերգային շրջագայություն ունեմ Ռուսաստանի 14 քաղաքներով: Դրանք կտեւեն մինչեւ մայիսի վերջ: Երբ վերադառնամ, կզբաղվեմ նոր հոլովակի նախապատրաստմամբ: Ծրագրերը շատ են, բայց դրանց մասին կհայտնեմ ավելի ուշ: