Անուշիկ Ալավերդյանի ծաղկաձորյան տարեդարձը և անակնկալները (լուսանկարներ)

Երգչուհի Անուշիկ Ալավերդյանը երեկ նշել է իր 25-ամյակը: Lurer.com–ի հետ զրույցում երգչուհին պատմեց, որ ծննդյան տարեդարձի նվերները սկսել է ստանալ դեռ կեսգիշերից շուտ: Անուշիկի սիրելին շտապել է երգչուհուն մի քանի ժամ առաջ մատուցել ծննդյան նվերը, որը շատերին է հետաքրքրել:

-Իմ սիրելի անձնավորությունը կարողացավ հերթական անգամ ինձ զարմացնել, քանի որ նվիրել է մի շարք անհրաժեշտ պարագաներ, որոնք ես էի պատրաստվում գնել:

-Առհասարակ, տղամարդկանց քիչ մասն է կարողանում կնոջ համար նվեր ընտրել: Այս դեպքում դու նախօրոք սիրելիիդ հուշել էի՞ր:

-Ո՛չ, նա ուղղակի շատ ուշադիր անձնավորություն է ու կարողանում է միշտ այնպիսի անակնկալներ մատուցել, որոնք իմ սրտով են լինում:

  

- Իսկ կեսգիշերից հետո երգչուհուն փորձել է առաջինը շնորհավորել ընկերուհին:

-Աշխատանքից փորձել էինք ավելի շուտ տուն գալ, և գիշերվա ժամը 12-ին ընկերուհիս հրավառության համար անհրաժեշտ պարագաներով և տորթով եկել էր մեր բակ: Միասին սկսեցինք նշել ծննդյանս օրը: Մոմեր փչեցի։ Ներկա էր նաև իմ սիրելին, բավականին ուրախ մեկնարկեցինք 25-ամյակս:

- Կա՞ մի ծննդյան օր, որի մասին միշտ առիթ է լինում հիշելու, Անուշի՛կ:

-Այո՛, քիչ առաջ կրկին վերհիշել էի 2008 թվականի ծննդյանս օրը: Ցավոք, հենց այդ տարի տեղի ունեցան Մարտի 1-ի չարաբաստիկ դեպքերը, և հաջորդ օրը՝ մարտի 2-ին, հարազատներիցս շատերը ճանապարհների փակ լինելու պատճառով չէին կարողացել գալ՝ ինձ շնորհավորելու: Սակայն ինձ հյուրընկալվել էին մեր էստրադայի երգիչներից, ու նրանց հաջողվեց փոխել բոլորիս տրամադրությունը, ողջ ծննդյանս օրը երգեցինք ու ուրախացանք: Հիշում եմ, թե ինչպես էր Վարդան Բադալյանը խորոված անում:

  

- Անուշի՛կ, այս տարվա ծննդյանդ օրը նաև տարբերվում է նրանով, որ քույրդ՝ Արևիկը, կողքիդ չէ: Սովորաբար նա ի՞նչ է նախընտրում նվիրել քեզ, և տոնական նվերդ արդեն հասե՞լ է քեզ՝ Ֆրանսիայից:

-Առհասարակ, մենք երկուսս ծննդյան օրերին միմյանց ասում էինք, թե ինչ ենք տեսել խանութում, և հենց այդ իրը կամ զգեստն էլ դառնում էր նվերը: Այս տարի դեռ չի ժամանել իմ նվերը. Ֆրանսիայից մի փոքր դժվար է որևէ բան ուղարկել կամ ստանալ: Ամռանը քույրս գալու է, երևի հենց այն ժամանակ էլ ստանամ նվերս:
Իսկ եղբայրս արդեն մի քանի տարի է, ինչ Հայաստանում չէ, սակայն դա չի խանգարել նրան, որ նրա կողմից ծննդյանս նվերը՝ տորթի տեսքով ժամանակին հասներ ինձ:  

- Իսկ երեկվա օրը ու՞մ հետ և ինչպե՞ս անցկացրիք:

- Օրս անցկացրել եմ Ծաղկաձորում: «Ռեինկարնացիա» խումբն այնտեղ համերգ ուներ, ես էլ միացա նրանց, և բարձր տրամադրությունն ապահովված էր. «Ռեինկարնացիայից» այլ տրամադրություն անհնար է ակնկալել: Բացի նրանից, որ խմբին շատ սիրում եմ, նաև նրա անդամների հետ շատ լավ ընկերներ ենք: Ուստի տոնը շարունակվեց հենց ընկերական միջավայրում:




Lurer.com-ը ևս շնորհավորում է երգչուհուն ծննդյան օրվա արթիվ։

Ռուբինա Հակոբյան

Լուսանկարները՝ Անուշիկի անձնական արխիվից



{gallery}981{/gallery}