Եգիպտական Պորտ Սաիդ քաղաքում շարունակվում են բախումները. կան զոհեր

Եգիպտական Պորտ Սաիդ քաղաքում երկու ոստիկան է զոհվել: Եգիպտոսի առողջապահության նախարարության տվյալներով՝ նրանք հրազենային վնասվածքներ էին ստացել և տեղափոխվել հիվանդանոց, սակայն բժիշկները չեն կարողացել նրանց փրկել. գրում է Ruv.ru-ն:
Ներկայումս հայտնի է դարձել 400 տուժածի մասին, որոնցից 17-ը՝ հրազենային զենքով:

Կահիրեից 160 կմ հյուսիս-արևելք գտնվող ապստամբ այս քաղաքում հարյուրավոր քաղաքացիներ նախօրեին ցույցի էին դուրս եկել՝ ի նշան բողոքի ՆԳՆ-ի կողմից 1 տարի առաջ տեղի ֆուտբոլային մարզադաշտում բռնկված անկարգությունների մեջ մեղադրվող 39 բանտարկյալներին այլ բանտ տեղափոխելու որոշման դեմ: Ֆուտբոլային անկարգությունների ժամանակ զոհվել էր 70 երկրպագու:

Այս տարվա հունվարին այդ գործով մեղադրվող 21 անձ մահվան դատապարտվեց: Այն ժամանակ դա Պորտ Սաիդում բողոքների և բռնության նոր ալիք առաջ բերեց, որտեղ 2 օրվա ընթացքում զոհվեց շուրջ 50 եգիպտացի: