Սպարապետի ծննդյան օրը ուսանողները կայցելեն Վ. Սարգսյանի անվան զորամաս

Մարտի 5-ը ՀՀ ազգային հերոս, սպարապետ Վազգեն Սարգսյանի ծննդյան օրն է։ Այդ կապակցությամբ Հայաստանի երիտասարդական հիմնադրամը, Խ. Աբովյանի անվան հայկական պետական մանկավարժական համալսարանի ուսանողական խորհուրդը և համալսարանի արհեստակցական միությունը կազմակերպել են մի շարք միջոցառումներ։

Ծրագրի շրջանակներում համալսարանի բակալավրիատի և մագիստրատուրայի տարբեր կուրսերի շուրջ 50 ուսանողներ մարտի 5-ին կայցելեն Վ. Սարգսյանի տուն-թանգարան, Վ. Սարգսյանի անվան զորամաս։ Ուսանողները զորամասում հանդես կգան համերգային ծրագրով, զորամասի գրադարանը կհամալրեն նոր գրականությամբ։ Բարեխիղճ ծառայությամբ աչքի ընկած զինվորներին կշնորհվեն պատվոգրեր և հուշանվերներ: