Մեծ տրամագծով խողովակնե՞ր, թե՞ «Րաֆֆուն եք ընտրել, թող նա էլ ձեր գազն անցկացնի»

Քիչ առաջ lragir.am-ը գրել էր, որ այսօր Արարատի մարզի Ջրաշեն գյուղից տարել են նախքան նախագահի ընտրությունը գյուղ բերված գազի խողովակները: Գյուղացիները փորձել են թույլ չտալ և փակել են մեքենաների ճանապարհը, սակայն նրանց ասել են՝ Րաֆֆուն եք ընտրել, թող նա էլ ձեր գազն անցկացնի: Այսպիսով՝ Ջրաշեն գյուղն այս անգամ էլ չգազաֆիկացվեց:

Նշենք, որ փետրվարի 18-ի քվեարկության արդյունքում, ըստ պաշտոնական տվյալի, Ջրաշեն գյուղի 16/45 ընտատեղամասում Րաֆֆի Հովհաննիսյանը ստացել է 410, Սերժ Սարգսյանը՝ 298 ձայն:

Լուրեր.com-ը զրուցեց Ջրաշեն համայնքի ղեկավար Արտյոմ Ղազարյանի հետ, ով իր զարմանքը հայտնեց տարածված լուրի վերաբերյալ և պարզաբանեց.

«Սխալ ինֆորմացիա է: Խողովակները տարել են, քանի որ տրամագիծը մեծ էր, պետք է փոքր տրամագծով խողովակներ բերեն»: