Եգիպտական մորեխները գրոհում են Իսրայելի տարածքը

Իսրայելցիներին հաջողվել է պայքարել Եգիպտոսի Սինայի թերակղզուց իր հարավային տարածքներ ներխուժած մորեխների հսկայական բանակի առաջին խմբաքանակի դեմ: Թունաքիմիկատների գործածման շնորհիվ ոչնչացվել են վերջին 2 օրվա ընթացքում այստեղ նկատված գրեթե բոլոր «թևավոր ծղրիդներին»:

Սակայն օդերևութաբանների կանխատեսումներով՝ մոտ օրերս քամի է սպասվում, որը կարող է բերել մորեխների նոր քանակ: Այս կապակցությամբ Իսրայելի գյուղատնտեսության նախարարությունը հայտարարել է, որ իրավիճակը պահում է հսկողության տակ և հետևում է զարգացումներին: