Դերենիկ Դումանյանի շնորհավորական ուղերձը

Սիրելի գործընկերուհիներ, կին բուժաշխատողներ, Ջերմորեն շնորհավորում եմ ձեզ մարտի 8-ի' Կանանց տոնի կապակցությամբ: 07.03.13

Կնոջ, աղջկա նկատմամբ հարգանքի ու սիրո ակունքները կանանց գեղեցկությունն ու քնքշանքը չեն միայն։

Անուրանալի է ձեր դերակատարությունը մեր ժողովրդի ձեռքբերումների, պատմական դժվարին պահերին տոկունության ու ոգու ամրության պահպանման գործում։

Առաջին հերթին ձեր նվիրումի և առաքինության շնորհիվ են պահպանվում ազգային լավագույն մեր ավանդույթները, հայոց ընտանիքի ամրությունը, որ առողջ հոգով և մտքով սերունդ դաստիարակելու հիմքն են։

Կրկնակի հարգանքի ու երախտիքի են արժանի առողջապահության ոլորտում աշխատող կանայք' մեր բժշկուհիները, բուժքույրներն ու մայրապետները, ովքեր հավատարիմ իրենց նվիրումին, գիշեր ու զոր պայքարում են մարդկանց առողջության համար։

Հրաշալի այս տոնի առթիվ ձեզ գարնանային հմայք ու տրամադրություն եմ մաղթում:

Մաղթում եմ ձեզ մասնագիտական ու աշխատանքային հաջողություններ, անձնական հարատև երջանկություն, առողջություն և սեր:

Թո՛ղ ձեր բոլոր օրերը լեցուն լինեն խինդով, ձեր հոգիներում մշտապես թագավորեն լույսն ու ջերմությունը:

Թո՛ղ իրականան ձեր բոլոր նվիրական երազանքները:

Դերենիկ Դումանյան

ՀՀ առողջապահության նախարար