Շուշան Պետրոսյանը հոգեպես կոտրված է

Ուրբաթ օրը՝ մարտի 8-ին, «Ազատություն» ռադիոկայանի ֆեյսբուքյան ասուլիսի հյուրը պետք է լիներ երգչուհի և ԱԺ ՀՀԿ խմբակցության պատգամավոր Շուշան Պետրոսյանը: Սակայն այսօր «Ազատություն» ռադիոկայանն իր ֆեյսբուքյան էջում գրեց, որ պատգամավորը  հրաժարվել է մասնակցել ասուլիսին.

«Երբևէ այսպիսի դեպք չէինք ունեցել, որ հյուրը վերջին պահին հրաժարվեր: Մեր այսօրվա հյուրը՝ Շուշան Պետրոսյանը, վերջին պահին հրաժարվեց ֆեյսբուքյան ասուլիսին ներկա գտնվելուց: Թեպետ նախապես ստացել էինք նրա համաձայնությունը: Ձեր հարցերը, փաստորեն, մնացին անպատասխան: Հարգելի՛ օգտատերեր, հայցում ենք ձեր ներողամտությունը»:

Իսկ թե ինչու չի մասնակցել ասուլիսին, երգչուհին պարզաբանել է, թե «վատառողջ է ու հոգեպես կոտրված»:

Ստորև Ձեզ ենք ներկայացնում մի քանի հարց, որոնք օգտատերերն ուղղել էին ԱԺ պատգամավորին, և որոնք այդպես էլ մնացին անպատասխան. 

Նադիա Բաբումյան. «Նախկինում Հայ տղամարդիկ միշտ գնացել են արտագնա աշխատանքի եվ հիմնականում վերադարձել են Հայաստան, իրենց ընտանիքներին: Դուք ասօրվա ահագնացող թվերի հասնող ատագաղթը, որը իրական վտանգ է ներկայացնում Հայաստան երկրին ու պետականությանը, համեմատեցիք «խոպանի» հետ: Արդյոք տեղի՞ն էր ձեր համեմատությունը»:

Լիլի Լուսինյան. «Երկու հարց ունեմ.

Մի բանի եմ ականատես եղել, որի մասին ուզում եմ հարցնել:

Մարտի 1-ին՝ ժամը 12:00-ի կողմերում, մի խումբ կանայք հավաքվեցին Թումանյան-Մաշտոց խաչմերուկում, ու վանկարկում էին

«Լևոն, Լևոն»: նրանց վրա հարձակվեցին դիմակավոր ոստիկանների մի խումբ եվ սկսեցին ծեծել: Նրանց մեջ կար մեկն առանց դիմակի: Արմանը՝ ձեր ամուսինը:

Հարց. կասե՞ք՝ արդյոք նա լավ ամուսին է։

2-րդ Կայանալո՞ւ է արդյոք Ձեր համերգը Գյումրի քաղաքում»:

Արմա Սաքունց. «Սիրելի երգչուհի, արժանավոր հայուհի, ով ինչ ուզում է ասի ես էլի ու էլի եմ կրկնում պիտի փշաքաղվեմ Ձեր ՄԱՅՐԻԿԸ լսելիս, բայց դուք՝ լինելով արվեստագետի ընտանիքում ծնված և ունենալով նման մայր ու քեռի, չե՞ք վախենում, որ Ձեր վերջին շրջանի քաղաքական էքստրաիշխանական ու ոչ արվեստագետին վայել պահվածքը կարող է արատավորել ոչ միայն ձեր անունը, այլև այդքան բազմավաստակ Ձեր մոր: Ի վերջո հարցերս, տիկին Պետրոսյան դուք հավատում եք, որ կփոխվի՞ դուք գոհ եք այն Հայաստանից, որում ապրում եք և արդյոք վերջին շրջանում հանգիստ խղճով եք քնում՞»:

Վիդա Լիբր. «Շուշան՝ ինչ օրինագիծ եք ԱԺ-ում հեղինակել մինչև հիմա կամ ինչ եք արել ի նպաստ ժողովրդի որպես պատգամավոր բացի ՀՀԿ-ի համար կոճակ սեխմելուց, և հետո դուք ներկայացնում եք մի կւսակցություն որի ներկայացուցիչներն են քրեական անցյալով ու ներկայով օլիգարխներ, որոնք թալանում են մեր ժողովրդին, նրանց շահերը պաշպանելը և այդ կուսակցությանը անդամակցելը ձեզ անպատիվ չի՞ թվում»:

Անի Վարդանյան. «Հարգելի՛ Շուշան, ի՞նչը ստիպեց ձեզ դառնալ ՀՀԿ-ական»։

Աստղիկ Կիրակոսյան. «Հարգելի Շուշան, չե՞ք կարծում, որ արվեստագետը քաղաքականությունից հեռու պետք է մնա»:

Հովսեփ Ղազարյան. «Հարգելի տկն. Պետրոսյան,

Օրեր առաջ դուք անբարոյական անվանեցիք բոլոր այն քաղաքացիներին, ովքեր կաշառք էին վերցրել և չէին քվեարկել ձեր սատարած թեկնածուի օգտին: Չեք կարծում արդյոք, որ առավել անբարոյական և քրեորեն պատժելի արարք է կաշառք բաժանելը, ինչը դուք չհերքեցիք?
Շնորհակալություն»:

Անուշիկ Ավետյան. «Հարգելի Շուշան Պետրոսյան,ըստ parliamentmonitoring.am կայքի տվյալների՝ ԱԺ աշնանային նստաշրջանի ընթացքում 90 անգամ կողմ եք քվարկել օրինագծերին և ընդամենը 1 անգամ դեմ՝ ՀՅԴ-ի՝ նվազագույն աշխատավարձի օրինագծին: Ոչ մի անգամ հանդես չեք եկել ելույթով կամ հարցով: Ոչ մի օրենսդրական նախաձեռնությամբ հանդես չեք եկել ամբողջ աշնանային նստաշրջանի ընթացքում: Հարցս հետևյալն է՝ որն է ձեր գործունեության նպատակը ԱԺ-ում»:

Նշենք, որ մյուս հարցերին կարող եք ծանոթանալ «Ազատություն» ռադիոկայանի ֆեյսբուքյան ասուլիսի էջում: