«Հրապարակ». ՀՀԿ-ի բարետես պատգամավորները

Նկատելով, որ երկար ժամանակ չենք կողմնորոշվում իրեն ինչպես դիմենք՝ Նառա, թե օրիորդ Կարապետյան, ինքը հասավ մեզ օգնության՝ ասեք Նաիրա Արտաշեսովնա: 

«Նաիրա Արտաշեսովնա, ԵԽԽՎ նիստից հետո կարծիքներ հնչեցին, որ պատվիրակության ՀՀԿ կին ներկայացուցիչները բարետես են,
սակայն խելացի չեն, փորձի պակաս ունեն, չնայած Էդուարդ Շարմազանովը շատ կտրուկ ասաց, որ նրանք և՛ բարետես են, և՛ խելացի, Դո՞ւք ինչ կարծիքի եք»:

«Կարծում եմ՝ անհամեստ կլինի, որ ես տամ նույն գնահատականը, ինչ տվել է պարոն Շարմազանովը, որ մենք նաև խելացի ենք և ընդունակ, բայց մի բան կասեմ՝ աշխատանքի ընթացքում կերևա, որ բարետես լինելը բացարձակապես չի բացառում խելացիությունը, պրոֆեսիոնալիզմը և հաջողություններ գրանցելը, ավելին՝ շատ ժամանակ բարետեսությունը նաև օգնում է դրան»,- ինքնավստահ հայտարարեց
Նաիրա Արտաշեսովնան