«ՉԻ». Նորաբաց սթրիփթիզ ակումբ. այցելուները կարող են դիմել մենեջերին և պարուհուն իրենց հետ տանել

Տևական ժամանակ է, ինչ քաղաքական ասպարեզում այլևս չի փայլում Սերժ Սարգսյանի ամենասիրելի «գործիչներից» մեկի՝ Ալրաղացի Լյովիկի՝ Լևոն Սարգսյանի աստղը:

«ՉԻ»-ն հիշեցնոմ է, որ ոչ վաղ անցյալում Լևոն Սարգսյանը համարվում էր այն գործարարներից, որոնց անվերապահորեն հավատում և վստահում էր Սերժ Սարգսյանը: Ավելին՝ ՀՀԿ առաջնորդն անգամ ասել էր, թե Լևոնին իր տղայի պես սիրում է, իսկ Լևոնն իր հերթին որդուն անվանակոչել էր Սերժի անունով՝ արդյունքում «ստանալով» Սերժ Սարգսյան: Սակայն այնպես ստացվեց, որ Լևոն Սարգսյանի կրիմինալ վարքը սկսեց ազդել Սերժ Սարգսյանի վարկանիշի վրա, և նրա թիմում հայտնված եվրոպոիդ երիտասարդությունը սկսեց «իգնորի» ենթարկել Լևոն Սարգսյանի նմաններին: Արդյունքում Լևոն Սարգսյանը հայտնվեց քաղաքական-տնտեսական գործընթացների լուսանցքում, ավելին՝ վերջինս զրկվեց Սերժ Սարգսյանի անվերապահ աջակցությունից՝ համալրելով սնանկացած «տնտեսական գործիչների» շարքերը: Լևոն Սարգսյանը հայտնվեց պարտքերի մեջ՝ նրա սեփականությունը տևական ժամանակ շարունակում էր գրավադրված մնալ տարբեր բանկերում: Խոսակցություններ շրջանառվեցին, թե նա վաճառքի է հանել իրեն պատկանող Սևանում գտնվող «Ախ Թամար» հյուրանոցային համալիրը:

Մինչդեռ, «ՉԻ»-ի տեղեկություններով, Ալրաղացի Լյովիկը նոր սթրիփթիզ ակումբ է բացել հենց հյուրանոցում, որի սպասարկումն իրականացնում են բացառապես դրսից բերած պարուհի աղջիկները: Սակայն, ի տարբերություն այլ սթրիփ ակումբների, «Ախ Թամարի» նորաբաց ակումբը մի առանձնահատկություն ունի: Այստեղի այցելուները կարող են դիմել մենեջերին և պարուհուն իրենց հետ տանելու համար: Աղջիկների գները սկսվում են 200 ԱՄՆ դոլարից:

Թերթը խոստանում է հընթացս ներկայացնել, թե այս յուրօրինակ բիզնես գործունեության արդյունքում որքան հարկ է պետությանը մուծել Ալրաղացի Լյովիկը և արդյոք հարկվո՞ւմ է նրան պատկանող սթրիփթիզ ակումբի՝ վերը նշված ծառայությունը: