Մոսկվայում կայացել է բարեգործական աճուրդ ի օգուտ Մ. Սարյանի տուն-թանգարանի
Գիտություն և Մշակույթ
2013 թվականի փետրվարի 21–ին, Մոսկվայում՝ Արարատ Պարկ Հայաթում «Նաջար Արտ Գալերեայի» կողմից կազմակերպվել է հայ անվանի նկարիչների «Առասպելների երկրի վարպետները» ցուցահանդեսը /մասնավոր հավաքածուներից/: Ցուցահանդեսի շրջանակում տեղի է ունեցել բարեգործական աճուրդ-վաճառք ի նպաստ Մ. Սարյանի տուն-թանգարանի: Աճուրդին ներկայացված էին «Խոլստ» միավորման նկարիչներ Վիոլետա Գոլդինայի «Նորավանք: Մայրամուտ», Իրինա Կովալևսկայայի «Ճանապարհ դեպի Արարատ», Վիկտորիա Կուզմինայի «Գառնիի գույները», Ելենա Պավլովայի «Սևանի ափին», Եկատերինա Ռիկոտայի «Արարատ», Դմիտրի Խոլկինի «Նորավանք», Մարիաննա Չայկինայի «Կոնտրաստներ: Նորավանք: Հայաստան» հայաստանյան բնանկարները: Աճուրդին Սարյան ընտանիքի կողմից ներկայացված էր նաև Վ. Կուզնեցովի նամակը Մ. Սարյանին, Սոթբիսի կողմից՝ Մ. Սարյանի «Պոետ: Արագածի ստորոտին» նկարի վերատպությունը և «Արարատ» գործարանի կողմից՝ մեկ կոնյակ:
Աճուրդի ժամանակ Մարտիրոս Սարյանի արվեստի երկրպագուների մասնակցությամբ տեղի է ունեցել բարեգործական ակցիա, որի հասույթը և Մ. Սարյանի «Դերասանուհի Պաստուխովայի դիմանկարը» փոխանցվել են Մ. Սարյանի տուն-թանգարանին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
