Պակիստանում քրիստոնյաները բողոքի ցույց են կազմակերպել` պահանջելով պաշտպանել մուսուլմաններից

Պակիստանում մարտի 10-ին հարյուրավոր քրիստոնյաներ ցույցի էին դուրս եկել՝ պահանջելով պաշտպանել իրենց մուսուլմանների հարձակումներից. գրում է AFP-ն:

Բողոքի ցույցերն ընթացել էին Պակիստանի մի քանի քաղաքներում: Լահոր քաղաքում, ուր մուսուլմանների ամբոխը զարյացած նախօրեին այրել էր քրիստոնյաների տները, անկարգությունները վեր են ածվել ոստիկանության հետ բախումների: Ցույցեր են ընթացել նաև Կարաչի, Իսլամաբադ, Մուլթան և Քվեթթա քաղաքներում: Բողոքողները պահանջում էին պաշտպանել իրենց և իրենց ունեցվածքը մուսուլմաններից և մեղադրում էին ոստիկանությանը մուսուլմանների կողմից կազմակերպած հարձակումների ժամանակ նաև քրիստոնյաներին ձերբակալելու համար:

Հիշեցնենք, որ կատաղած մուսուլմանական ամբոխի կողմից նվազագույնը 10 քրիստոնեական բնակելի տուն էր այրվել Պակիստանի Լահոր քաղաքում: Միջադեպի պատճառ էր դարձել աստվածապղծության և Մուհամմեդ մարգարեին վիրավորելու համար նախօրեին քրիստոնեական թաղամասի բնակիչներից մեկի նկատմամբ ներկայացված մեղադրանքը: