Իրաքում ահաբեկչությունից տուժել են ոստիկանապետն ու պետական պաշտոնյաները

Այսօր Իրաքի հյուսիսում տեղի ունեցած ահաբեկչության արդյունքում զոհվել է 5 մարդ. տեղեկացնում են իրավապահ մարմինները. մեջբերում է ИТАР-ТАСС-ը:

Մահապարտ ահաբեկիչը պայթեցրել էր ականապատ մեքենան Դիբիս քաղաքի ոստիկանական բաժանմունքի մուտքի մոտ:

Տուժածների թվում են ոստիկանապետն ու կառավարական պաշտոնյաները, ինչպես նաև մոտակայքում գտնվող դպրոցի աշակերտները: Շատ վիրավորներ այս պահին գտնվում են հիվանդանոցում ծանր վնասվածքներով: Բժիշկները չեն բացառում, որ զոհերի քանակը կարող է աճել: