Անձնագրային ծառայությունները կաշխատեն նաև մարտի 16-ի և 17-ի ոչ աշխատանքային օրերին

Երևանի ավագանու անդամի թեկնածու առաջադրվելու համար անհրաժեշտ՝ վերջին վեց ամսում Երևան քաղաքի բնակչության պետական ռեգիստրում ընդգրկված լինելու մասին տեղեկանք տրամադրելու գործընթացը պատշաճ կազմակերպելու նպատակով ՀՀ ոստիկանության անձնագրային և վիզաների վարչությունը, ինչպես և Երևան քաղաքի անձնագրային ծառայությունները մարտի 16-ի և 17-ի ոչ աշխատանքային օրերին աշխատելու են հերթափոխով՝ ժամը 9.00-ից մինչև 18.00-ն:

Հիշեցնենք, որ Երևանի ավագանու ընտրությունները կկայանան մայիսի 5-ին: