Ինչպիսի հարևանուհի է Արմինկան

«Զգուշացիր հարևաններից» խորագրի շրջանակներում այս անգամ yeses.am-ը հյուրընկալել էր մեր շոու-բիզնեսի ամենաոճային երգչուհիներից մեկի՝ Արմինկայի հարևանուհի տիկին Նառային. հենց նրանից էլ պարզեցինք, թե ինչպիսին է երգչուհին տանը, հարևանների միջավայրում: Չնայած տիկին Նառան 6 տարի է, ինչ այս շենք է տեղափոխվել, սակայն հասցրել է մտերմանալ երգչուհու և նրա ընտանիքի հետ: Արաբկիր համայնքի Վրացական փողոցի հինգհարկանիներից մեկի 5-րդ հարկում է բնակվում երգչուհին և իր ընտանիքը: Արդեն մեկ տարի է՝ նրանց է միացել նաև փոքրիկ Ալեքսը՝ երգչուհու որդին:

Արմինկայենց շենքը գտնելուց հետո yeses.am-ը փորձեց պարզել՝ չորրորդ, թե հինգերորդ հարկում է բնակվում երգչուհին: Բարձրացա մինչև հինգերորդ հարկ, և քանի որ այդ հարկի բնակարաններից մեկի վրա գրված էր՝ «Զանգը չտալ» (հավանաբար, չեն ցանկանում խանգարել փոքրիկ Ալեքսի քունը), հասկացա, որ հայտնվել եմ ճիշտ տեղում: Թակեցի նրանց դռանը կից հարևանի դուռը: Պարզվեց՝ այնտեղ ոչ ոք չի բնակվում: Փորձեցի դիմացի հարևանի հետ զրուցել և ստացվեց. տիկին Նառայի և նրա աղջկա՝ Մանեի հետ զրուցեցինք իրենց հյուրասենյանում:
Հարևանուհու խոսքերով՝ երգչուհի Արմինկան նախևառաջ հիանալի տնային տնտեսուհի է: «Արմինեն էլ, քույրն էլ՝ Լուսինեն, տանն ամեն ինչ անում են: Շատ հոգատար են ծնողների նկատմամբ: Իմ հյուրերը, երբ Արմինկան մեր տանն է լինում, նույնիսկ զարմանում են, երբ տեսնում են, թե որքան անմիջական է նա: Պատահել է, որ գիշերվա մեկին Արմինեենց տանն եմ եղել. համերգից եկել է և հանգստանալու փոխարեն սկսել է տան որևէ հատվածը կարգի բերել, մաքրել»,- պատմեց տիկին Նառան:

Նա նաև պատմեց, որ երբ այս շենք են տեղափոխվել, նույնիսկ չեն էլ իմացել, որ իրենց դիմացի հարևանուհին երգչուհի է. «Վերանորոգում էինք տունը, և Արմինեի հայրը շատ էր օգնում մեր բանվորներին: Մի օր էլ աշխատող բանվորներից մեկն ասաց, որ մեր դիմացի հարևանուհին երգչուհի է: Բայց ես իրեն որպես բեմի մարդ չեմ ճանաչում, նրան ավելի շատ տանն եմ տեսել՝ որպես տնային տնտեսուհի: Շատ եմ զարմացել, որ տանն ամեն ինչ անում է. իսկապես հաճույք ես ստանում: Հատկապես հիմա, որ յուրաքանչյուր երկրորդը աստղային հիվանդությամբ է տառապում. դա Արմինեի մոտ բացակայում է: Հիմա էլ զարմանում եմ, թե երեխային ինչպես է խնամում: Իհարկե, այժմ Արմինեի ստեղծագործական աշխատանքին հետևում ենք. ասում է, որ շուտով նոր տեսահոլովակ կամ երգ է ունենալու, մենք էլ սիրով դիտում ենք: Ամեն անգամ նրա վերջին տեսահոլովակը դիտելիս ավելի եմ համոզվում, որ դա Ալեքսի մասին է երգում»:

Նա նաև ասաց, որ երբ այս շենք են տեղափոխվել, նույնիսկ չեն էլ իմացել, որ իրենց դիմացի հարևանուհին երգչուհի է. «Վերանորոգում էինք տունը, և Արմինեի հայրը շատ էր օգնում մեր բանվորներին: Մի օր էլ աշխատող բանվորներից մեկն ասաց, որ մեր դիմացի հարևանուհին երգչուհի է: Բայց ես իրեն որպես բեմի մարդ չէի ճանաչում, նրան ավելի շատ տանն եմ տեսել՝ որպես տնային տնտեսուհի: Շատ եմ զարմացել, որ տանն ամեն ինչ անում է. իսկապես հաճույք ես ստանում: Հատկապես հիմա, որ յուրաքանչյուր երկրորդը աստղային հիվանդությամբ է տառապում. դա Արմինեի մոտ բացակայում է: Հիմա էլ զարմանում եմ, թե երեխային ինչպես է խնամում: Իհարկե, այժմ Արմինեի ստեղծագործական աշխատանքին հետևում ենք. ասում է, որ շուտով նոր տեսահոլովակ կամ երգ է ունենալու, մենք էլ սիրով դիտում ենք: Ամեն անգամ նրա վերջին տեսահոլովակը դիտելիս ավելի եմ համոզվում, որ Ալեքսի մասին է երգում»:

Տիկին Նառան խոստովանեց նաև, որ Արմինկայենց հետ շփվում են անհրաժեշտության դեպքում: «Երբ պետք է, երբ առիթ է լինում, շփվում ենք, իսկ «քիթն ամեն տեղ մտցնելը» սխալ է: Արմինեի հետ հաճախ սուրճի սեղանի շուրջ չենք նստում, բայց շփվում ենք: Իսկ նրա մոր հետ գրեթե ամեն օր ենք սուրճ խմում: Հարևաններից չենք խոսում՝ բամբասում: Բայց պատահում է, երբ պակաս բան ենք ունենում, իրենցից ենք խնդրում կամ՝ հակառակը: Իսկապես, իմ բախտը բերել է, որ նրանց պես հարևան ունեմ»,- անկեղծորեն ասաց Արմինկայի հարևանուհին:
Բնականաբար, չէինք կարող չհետաքրքրվել նաև փոքրիկ Ալեքսից, ում հայտնի մայրը ամեն կերպ հեռու է պահում օտար աչքից, այս դեպքում՝ նաև լրատվամիջոցներից: «Երգչուհին կամ իր մայրը ամեն օր առավոտյան 9-ին Ալեքսին Կոմիտասի այգի են տանում. եթե Արմինեն տանն է, անպայման նա է տանում զբոսանքի: Վա՜յ, էդ ինչ հրաշք բալիկ է՝ սպիտակամաշկ, ալիքավոր մազերով, կարծես հրեշտակ լինի: Որ տեսնեք՝ անտարբեր չեք անցնի: Էն օրը մեր տուն էր բերել, ասեցի՝ Արմինե ջան, ինչ գույնի շորիկ հագցնում ես՝ շատ է սազում: Ալեքսը և´ պապիկին, և´ տատիկին, և´ մորաքրոջն է նման, բայց ավելի շատ՝ պապիկին»,- այսպես բնութագրեց փոքրիկ Ալեքսին Նառա տոտան: Ըստ նրա՝ երբեմն Արմինկան կամ իր մայրը խնդրում են հարևանուհուն որոշ ժամանակով պահել Ալեքսին՝ շտապ գործեր ունենալու պատճառով: «Ալեքսն էլ արդեն ճանաչում է մեզ, հաճախ ձեռքով ցույց է տալիս, որ մեր տուն է ցանկանում գալ: Երբ հարսիս մոտ է լինում, նույնիսկ Արմինեի մոտ չի գնում»,- ուրախ ժպտալով շարունակեց տիկին Նառան: Նա ասաց նաև, որ Արմինկայի մոր՝ Հասմիկի հետ շուկա էլ են գնում: «Վերջին շրջանում Արմինեն զբաղված է լինում, հիմնականում մայրն է պահում Ալեքսին, դրա համար էլ շուկա միասին չենք գնում. օրվա ընթացքում աղջիկները՝ Լուսինեն ու Արմինկան են առևտուրն անում»,- մանրամասնեց հարևանուհին, ում պատմելով, Արմինկային երբեմն հյուրընկալվում են Հռիփսիմե Հակոբյանը, Զարուհի Բաբայանը: Նառա տոտան ավելացրեց նաև, որ Արմինկան տանը պահում է իր երկրպագուներից մեկի՝ վարդի թերթիկներով հավաքած «Արմինկա» պատկերի լուսանկարը:

Հարևանների բախտը բերել է ոչ միայն նրանով, որ Արմինկաենց պես լավ հարևան ունեն, այլև, որ Արմինկայի ավագ քույրը՝ վարսահարդար-ոճաբան Լուսինեն, երբեմն մասնագիտական օգնության է հասնում իրենց :) Տիկին Նառայի դուստրը՝ Մանեն, հենց Լուսինեից է տեղեկանում վարսահարդարման վերջին նորություններին: «Հա, երբ հարսանիքի եմ եղել, Լուսինեն է տանը հարդարել մազերս»,- հպարտությամբ ավելացրեց տիկին Նառան:

«Ե՞ս Yes!» ամսագիր, արխիվ