Արևիկ Ալավերդյանը՝ հղի լինելու մասին

Արդեն մի քանի ամիս է երգչուհի Արևիկ Ալավերդյանը ամուսնացել է և տեղափոխվել Փարիզ՝ ամուսնու մոտ մշտական բնակության: Արևիկի ամուսինն ապրում է Փարիզում, զբաղվում է ռոստորանային բիզնեսով: Արևիկը ֆեյսբուքյան իր պաշտոնական էջում տեղադրում է իր և Փարիզի գեղեցիկ առօրյայի լուսանկարներ: Zham.am–ի հետ զրույցում երգչուհին ասաց, որ իր օրը շատ հագեցած է անցնում. ինտենսիվ կերպով ֆրանսերենի պարապմունքների է հաճախում, օգնում է ամուսնուն և, իհարկե, ուսումնասիրում սիրո երկիր Փարիզը:

«Այստեղ աշխատանքային պլաններ կան, ամուսնուս հետ մտածում ենք այդ ուղղությամբ, բայց մինչ այդ ինձնից պահանջվում է լավ սերտել ֆրանսերենը, որպեսզի կարողնամ համապատասխան աշխատանք գտնել: Նորից ուսանող եմ դարձել, ուղղակի այս անգամ ավելի նորաձև :)»,- կայքի լրագրողին ասել է Արևիկը: Այն հարցին, թե ճիշտ են արդյոք այն լուրերը, որ նա հղի է, Արևիկը պատասխանեց. «Ո՛չ, նման բան դեռ չկա, ես և ամուսինս շատ ենք սիրում երեխաներ և անպայման կունենանք մեր սեփական երեխաները, բայց ամեն բան իր ժամանակին»:

Երևանը կարոտած երգչուհին ասաց, որ շատ է կարոտում Երևանը, ընտանիքին, ընկերներին, իր շունիկին՝ Շելբիին: Վերջում երգչուհին անկեղծացավ՝ ասելով, որ այլ երկիր մեկնելու փոխարեն նախընտրում է ամռանը գալ Երևան և մի քանի ամիս անցկացնել իր հարազատների հետ:
Նորաձև Արևիկի և նույնքան նորաձև Փարիզի ընկերության մասին՝ ֆոտոշարքում:

{gallery}1040{/gallery}