Ինչ չգիտենք մենք Հռոմի Պապի մասին. Նա լվանում և համբուրում էր ՁԻԱՀ-ով հիվանդների ոտքերը

Նորընտիր Հռոմի Պապ Ֆրանցիսկ 1-ինի մասին բավականին հետաքրքիր տեղեկություններ են պատմել նրա գործընկերները: Եվ այսպես, ինչ մենք չգիտենք Նոր Հռոմի Պապի մասին. պատմում են նրա մերձավորները:

Նրանց խոսքերով՝ Հռոմի Պապն արթնանում է վաղ առավոտյան ժամը 5-30-ի սահմաններում և ոչ ուշ: Նրա օրն ավարտվում է երեկոյան ժամը 9-ին: Պատմում են, որ կարդինալ դառնալով՝ նա չպատվիրեց իր համար նոր հագուստ, այլ խնդրեց իր վրա հարմարեցնել այն, ինչ մնացել էր նրա նախորդից: Նրա մերձավորները պատմում են, որ հաճախ են տեսել, թե ինչպես է նա ինքնիրեն ուտելիք պատրաստում:
Հայտնի է, որ Հռոմի Պապը սիրում է այնպիսի գրողների ստեղծագործություններ, ինչպիսիք են արգենտինացի Խորխե Լուիս Բորխեսը, Լեոպոլդո Մարեչալը և ռուս արձակագիր Ֆյոդոր Դոստոևսկին:

Ֆրանցիսկ 1-ինը սիրում է օպերա, տանգո և ֆուտբոլ:

Ըստ բրիտանական Guardian-ի տեղեկությունների՝ Ֆրանցիսկ 1-ինն ապրում է փոքրիկ և համեստ բնակարանում, երթևեկում է ավտոբուսով և ունի ընդամենը մեկ թոք: Շարքը շարունակում են հետևյալ տեղեկությունները.

Նրա հայրը իտալացի էր, ով աշխատում էր երկաթգծի կայանում:

Ֆրանցիսկ 1-ինը մասնագիտությամբ քիմիկոս է:

1300 տարվա ընթացքում առաջին ոչ եվրոպացի Հռոմի Պապն է:

Պնդում է, որ նույնասեռականությունը երեխաների նկատմամբ իրավունքների ոտնահարման ձևերից մեկն է:

2001-ին նա լվացել է և համբուրել ՁԻԱՀ-ով հիվանդ մարդկանց ոտքերը:

Խոսում է իտալերեն, իսպաներեն և գերմաներեն լեզուներով:

Նա կոչ է արել արգենտինացիներին չծախսել իրենց փողերը Հռոմ գալու և իրեն շնորհավորելու համար, այլ տալ կարիքավորներին:

Հանդիսանում է «Երկնքում և երկրի վրա» իսպաներեն գրքի համահեղինակ։

Չնայած եկեղեցու պահպանողական ուսմունքին՝ նա քննադատում էր այն հոգևորականներին, ովքեր հրաժարվում էին կնքել միայնակ մայրերի երեխաներին: