«ՉԻ». Տիկոյի օֆիս չհասած՝ աջի վրա

ՀՀ Կենտրոնական ընտրական հանձնաժողովը պաշտոնապես հրապարակել է այն տեղերի հասցեները, որտեղ մայիսի 5-ի ընտրություններից առաջ կարելի է քարոզչական պաստառներ փակցնել։ Հասցեներից մեկն այսպիսին է. «Մանթաշյան 53 շենքի պատին՝ սպիտակ ռեշոտկով բալկոնի կողքը»։ Կա նաև այսպիսի հասցե. «Արշակունյաց 65 (կալանավորների վարչության մոտ, հայրենիքից գնալուց չհասած ՇԿՈԴԱ)»։

«ՉԻ» - Սա, հիշեցնենք, Կենտրոնական ընտրական հանձնաժողովի պաշտոնական փաստաթուղթն է, այն հանձնաժողովի, որի որոշումներով Հայաստանը նախագահ և Ազգային ժողով է ունենում։ Հարց է ծագում՝ արժե՞ նման հանձնաժողովից լուրջ ակնկալիքներ ունենալ: Դեռ լավ է, որ ընտրությունների վերջնական արդյունքների հրապարակման ժամանակ նույն ոգով  չեն գրում՝ «բոլոր ընտրատարածքներից ստացված արդյունքների ամփոփումը ցույց տվեց, որ Սերժ Սարգսյանը մի վախտ ձեն ա ստացել, մի ահագին էլ Րաֆֆին ա ստացել, իսկ մյուս թեկնածուները մնացել են բորդյուրին (չհասած) Ստրեչ ձախի վրա՝ Վլեի բուդկի մոտ)»։ Երևի մյուս անգամ հենց այդպես էլ կանեն։ Միևնույն է, նրանց ամփոփումները որևէ մեկը լուրջ չի ընդունում։