Սերժ Սարգսյանի պետական դավաճանության ևս մեկ ապացույց. Երջանիկ Աբգարյան

Ստեփանավանի օդանավակայանն ու Երեւանին մոտ գտնվող Բալահովիտ գյուղին հարակից ՀՀ արտակարգ իրավիճակների նախարարության պահեստարանն առաջիկայում օգտագործվելու են ՀԱՊԿ շրջանակներում գործող արագ արձագանքման փրկարարական ուժերի կողմից: Ասել է թե՝ ռազմավարական նշանակության այս երկու օբյեկտները համատեղ օգտագործելու են ոչ միայն Հայաստանի, այլեւ ՀԱՊԿ անդամ ՌԴ ներկայացուցիչները: ՀՀՇ վարչության անդամ Երջանիկ Աբգարյանն այս որոշման մեջ լուրջ խնդիր է տեսնում: «Սրանք այն ուժերն են, որոնք անցյալ դեկտեմբերին ՀԱՊԿ-ում կնքված համաձայնագրով նախատեսվում են նաեւ օգտագործվել ՀԱՊԿ անդամ երկրների ներսում ժողովրդական հուզումները ճնշելու համար: Սա Սերժ Սարգսյանի պետական դավաճանության եւս մեկ ապացույց է»,-«Ժողովուրդ» օրաթերթի հետ զրույցում ասաց Ե. Աբգարյանը:

Մանրամասները թերթի այսօրվա համարում: