Փոփոխական եղանակ

Վերջին երեք օրերին հանրապետության տարածքում դիտվել է օդի ջերմաստիճանի կտրուկ բարձրացում մոտ 8-10 աստիճանով: Մարտի 15-ին առավելագույն ջերմաստիճանը լեռնային շրջաններում գրանցվել է +10...+13 C, Լոռիում՝ +15...+18 C, Տավուշում՝ +15...+20 C, Արարատյան դաշտում՝ +21...+23 C, Արագածոտնի և Սյունիքի նախալեռներում՝ +20...+22 C, Սյունիքի Հովիտներում՝ մինչև +26 C:

Մարտի 16-ին, ժամը 10.00 դրությամբ ջերմաստիճանի բարձրացումը հանրապետության տարածքում շարունակվում է և մարտի 15-ի նույն ժամի հետ համեմատ՝ ջերմաստիճանը բարձրացել է միջինը 4-5, Լոռիում և Սյունիքի նախալեռների առանձին հատվածներում՝ 7-12 աստիճանով:

Ջերմաստիճանի աճը կշարունակվի մինչև մարտի 17-ի օրվա առաջին կեսը ներառյալ: Մարտի 17-ի երեկոյան ժամերից, մարտի 18-ին և մարտի 19-ի գիշերը ցուրտ մթնոլորտային ճակատի անցմամբ պայմանավորված ջերմաստիճանը աստիճանաբար կնվազի 10-12 աստիճանով: Մարտի 18-ի ցերեկը օդի ջերմաստիճանը Շիրակում, Կոտայքում, Գեղարքունիքում, Արագածոտնի և Վայոց Ձորի լեռնային շրջաններում կտատանվի -2...+3 C, Լոռիում՝ +3...+8 C, Տավուշում՝ +6...+10 C, Արագածոտնի նախալեռներում՝ +8...+12 C, Արարատյան դաշտում և Վայոց Ձորի նախալեռներում՝ +8...+13 C, Սյունիքի հովիտներում՝ +7...+10 C, Սյունիքի նախալեռներում՝ +2...+5, Արցախում՝ +6...+10 C, Երևանում՝ +11...+13 C սահմաններում:

Մարտի 19-ի գիշերը օդի ջերմաստիճանը Շիրակում, Կոտայքում, Գեղարքունիքում, Արագածոտնի և Վայոց Ձորի լեռնային շրջաններում կտատանվի -5...-100C, Լոռիում՝ -2...-7 C, Տավուշում՝ +1...+4 C, Արագածոտնի նախալեռներում՝ +1...+4 C, Արարատյան դաշտում և Վայոց Ձորի նախալեռներում՝ +1...+4 C, Սյունիքի հովիտներում՝ +2...+5 C, Սյունիքի նախալեռներում՝ 0...+4, Արցախում՝ +2...+5 C, Երևանում՝ +1...+3 C սահմաններում:

Պայմանավորված մոտեցող ցիկլոնի ուժի թուլացմամբ, որոշակիորեն կնվազի նաև մարտի 17-ից 18-ը սպասվող տեղումների ինտենսիվությունը և կփոքրանա գետերում ջրի մակարդակի կտրուկ բարձրացման վտանգը: