Պիկասոյի երեք ճակատագրական կանայք

Մեր ժամանակների ամենահայտնի նկարիչներից մեկը՝ Պաբլո Պիկասոն, հայտնի է ամբողջ աշխարհին ոչ միայն իր հիասքանչ արվեստի գործերով, այլ նաև գեղեցիկ սեռի բազմաթիվ ներկայացուցիչների հետ ունեցած սիրային հարաբերություններով: Ինչպես գրում է dailymail.co.uk-ը, նրանցից հատկապես 3-ին էր վիճակված մեծ ազդեցություն ունենալ նրա արվեստի վրա:

Նրա արվեստի վրա ճակատագրական ազդեցություն թողած կանանցից մեկը Ֆերնանդան էր, որի հետ Պիկասոն ծանոթացել էր Փարիզում: Ֆերնանդան այնքան էր գերել Պիկասոյին իր գեղեցկությամբ, որ նա իր արվեստում մռայլ կապույտ գույներից անցել էր վարդագույնի և բաց կապույտի: Գուցե դեռ երկար շարունակվեին նրանց բուռն սիրային հարաբերությունները, եթե չլիներ Ֆերնանդայի անսահման խանդը, որի պատճառով էլ Պիկասոն փախավ Ֆերնանդայից գեղեցկուհի Մարսելայի հետ:

Պիկասոն իսկապես սիրահարվել էր Մարսելային, ում անվանում էր Եվա՝ առաջին կինն աշխարհում: Պիկասոյի կյանքում այս գեղեցկուհու հայտնվելու շնորհիվ նկարչի վրձնից ծնվեցին նրա ամենաուրախ ու կենսախինդ նկարները: Ցավոք, նրանց երջանկությունը երկար չտևեց, քանի որ Պիկասոյի սիրելի Եվան մահացավ տուբերկուլյոզից:

Այս հանգամանքը շատ ծանր անդրադարձավ նկարչի վրա. նա որոշ ժամանակով հեռացավ արվեստից և միայն մեկ տարի անց, երբ Պիկասոն իր ընկերոջ հրավերով Ռուսաստանում էր, կրկին սիրահարվեց Օլգային և պաշտոնական ամուսնության առաջարկ արեց նրան: Հենց այս ընթացքում ծնվեցին Պիկասոյի միագույն փիլիսոփայական գլուխգործոցները, որոնց նա անվանեց «Օլգայի աշխարհը»:

Բայց նրանք ի վերջո բաժանվեցին, քանի որ նրանց որդու ծնվելուց հետո Օլգան կորցրեց իր բարեկազմությունը, իսկ դրա հետ մեկտեղ նաև հավասարակշռված բնավորությունը:

Այս ամենը մեծ հետք թողեց Պիկասոյի արվեստի վրա. նրա կտավներում սկսեցին հայտնվել անհասկանալի հրեշներ: Որպեսզի մոռանա այս ամենը և դուրս գա այս դժոխային իրավիճակից, Պիկասոն, որն այդ ժամանակ մոտ 50 տարեկան էր, սիրավեպ է սկսում 17-ամյա Ֆրանսուազայի հետ, որից հետո սիրային հարաբերություններ է ունենում բնորդուհի Դորայի հետ….և այդպես շարունակ: Բայց իր արվեստի «հիմնաքարերը» նա համարում էր այդ 3 կանանց: