Եգիպտոսում հայտնաբերվել է 3.300 տարվա վաղեմության արևային ժամացույց

Եգիպտոսում Բազելի համալսարանի հնագետները հայտնաբերել են արևային ժամացույց, որի տարիքը գնահատվում է 3.300 տարի:

Գիտնականները ենթադրում են, որ ժամացույցից օգտվում էին բանվորները, որպեսզի հաշվեն դամբարանները կառուցելու ժամկետները. տեղեկացնում է Globalscience-ը:

Թագավորների հարթավայրում արված այս հայտնագործությունը պատկերված է եղել կրաքարային սկավառակի վրա կիսաշրջանի տեսքով, որը սև գծերով առանձնացված է եղել 12 հատվածի: Կենտրոնում գտնվող 16 սմ խորությամբ անցքը հարմարեցված էր ծառից կամ որևէ մետաղական իրից այն կախելու համար, որից ստացվող ստվերն էլ օգնում էր հին եգիպտացիներին իմանալ օրվա ժամը:

Հնագետները ժամացույցը հայտնաբերել են բնավորների քարե կացարանի մոտակայքում, ովքեր մ.թ.ա. 13-րդ դարում զբաղվում էին թագավորական դամբարանների շինարարությամբ: