Գրադարանների խորհրդի նիստ՝ Մշակույթի նախարարությունում

Հայաստանի Հանրապետության կառավարության 2012 թվականի սեպտեմբերի 27-ի «Գրադարանների խորհրդի աշխա­տա­­կարգը և կազմը հաստատելու մասին» որոշմամբ հաստատված աշխատակարգի համաձայն՝ սույն թվականի մարտի 7-ին, ՀՀ մշակույթի նախարարությունում կայացել է գրադարանների խորհրդի այս տարվա առաջին նիստը:

Նիստի օրակարգում ընդգրկված էին «Գրադարանների և գրադարանային գործի մասին» Հայաստանի Հանրապետության օրենքից բխող ենթաօրենսդրական ակտերը, նախարարության համակարգի գրադարանների՝ 2012 թվականի աշխատանքային գործունեության հաշվետվությունը, թվանշանացման գործընթացի մեկնարկը, հետագա անելիքները և հանրային գրադարանային ցանցի ստեղծման խնդիրները: