Հնդկուհին ամուսնացել է եղբայրներ հանդիսացող 5 տղամարդկանց հետ միաժամանակ

Հնդկաստանի բնակչուհի 21-ամյա Ռաջո Վերման միանգամից 5 տղամարդու կին է հանդիսանում, ովքեր կապված են միմյանց հետ արյունակցական կապերով. գրում է lifenews-ը: Աղջիկն ապրում է 21-ամյա Գուդդուի, 32-ամյա Բաջուի, 28-ամյա Սան Ռամի, 26-ամյա Գոպալի և 18-ամյա Դինեշի հետ մեկսենյականոց տանը:

Կինը զբաղվում է դեռևս միակ 2-ամյա որդու դաստիարակությամբ և խոստովանում է, որ գաղափար անգամ չունի, թե եղբայրներից ով է իր երեխայի հայրը: Նրա ամուսիններից մեկը՝ Գուդդուն, խոստովանում է. «Մենք բոլորս կիսում ենք նրա հետ անկողինը: Ես չեմ խանդում, քանի որ իմ եղբայրներն են, և մենք մեկ ընտանիք ենք»: 

Նրանց գյուղում գործող ավանդույթի համաձայն՝ աղջիկը մեկ տղամարդու հետ ամուսնանալիս պետք է անկողինը կիսի նաև ամուսնու մյուս եղբայրների հետ:

Աղջիկը պատմել է, որ չի առարկում ավանդույթներին և դեմ չէ քնել միանգամից մի քանի տղամարդու հետ: Իր իսկ խոսքերով՝ նրա սեփական մայրը անկողինը կիսում էր իր հոր 3 եղբայրների հետ: 

Իհարկե, սկզբում անհարմար էինք զգում, սակայն հետո վարժվեցինք:Ես իմ ամուսիններից ոչ ոքին չեմ տալիս նախընտրությունը: Իսկ ինքս շատ ավելի ուշադրության եմ արժանանում, քան մյուս ամուսնացած կանայք. պատմում է երջանիկ ամուսնացած կինը:

Այս ավանդույթը կոչվում է պոլիանդրիա: Դա պոլիգամ ամուսնության տարատեսակ է, որի դեպքում ոչ թե ամուսինն է մի քանի կին ունենում, ինչպես օրինակ իսլամական երկրներում, այլ կինն է ամուսնանում արյունակցական կապով կապված տղամարդկանց հետ: 

Նման ավանդույթը տարածված է Տիբեթի և Հնդկաստանի որոշ շրջաններում: