Հայ կոմպոզիտորի երգը ստիպել է թուրք հանդիսատեսին արտասվել (տեսանյութ)

Թուրքիայում ընթացող Avea միջոցառման շրջանակներում մարտի 17-ի երեկոյան բեմ են բարձրացել թուրք երգչուհի Սեզեն Աքսուն, հայտնի կոմպոզիտոր Արա Դինքջյանը և դաշնակահար Ֆախիր Աթաօղլուն:

Ինչպես գրում է թուրքական Haberler-ը, Սեզեն Աքսուն, առաջին անգամ բեմում գտնվելով Արա Դինոջյանի հետ, կատարել է Ահմեդ Կայի «Արցունքի մեջ» կոմպոզիցիան, որի երաժշտությունը գրել է Արա Դինքջյանը:

Երգը կատարելու ընթացքում թուրք երգչուհին արտասվել է: Համարի վերջում նա խոստովանել է, որ բեմի վրա երբեք դեռ չէր հուզվել: «Ես լաց եմ լինում, որովհետև մենք տարբերակում ենք մեկ մարդուն մյուսից, արյունը ամեն բանից վեր ենք դասում: Ուզում ենք մենք դա, թե ոչ, բոլոր մարդիկ պետք է ապրեն: Լաց եմ լինում մեր մեղքերի համար: Թող Աստված ների մեզ բոլորիս»,-հայտարարել է Սեզեն Աքսուն, որից արտասվել է նաև հանդիսատեսը:

Համերգի վերջում թուրք երգչուհին կատարել է հայկական «Սարի աղջիկ» երգը, որ նրան ձայնակցել է Արա Դինքջյանը: