Սթրեսից դուրս գալու «կարգին տղաների» դեղատոմսը

Ինչպե՞ս տասը վայրկյանում դուրս գալ սթրեսից

1 «H» վիտամին պարունակող մրգեր ու բանջարեղեն կեր:
2 Մի քանի անգամ խորըշունչ քաշիր և վարդագույն ակնոցով նայիր կյանքին:
3 Շոյիր ականջներիդ բլթակները և մտածիր հաճելի բաների մասին:
4 Եթե ձեռքի տակ սև թեյ կա, ըմպիր այն ու վերադարձիր ակտիվ գործունեության:
5 Մարզվիր այնպիսի երաժշտության ներքո, որը կբարձրացնի տրամադրությունդ:
6 Քեզ կողքից նայիր ու փորձիրտեսնելթունելիվերջում երևացող լույսը:
7 Ամենակարևորը' ժպիտ, ժպիտ, ժպիտ: Միշտ ժպտա:

Սթրեսից դուրս գալու «կարգին տղաների» դեղատոմսը

Հումորիստները խոստովանեցին, որ չնայած գործի բերումով գրեթե ամեն օր սթրեսի մեջ են, սակայն դրանից ազատվելու ելքն արագ են գտնում: «Նույնիսկ սթրեսից դուրս գալու ժամանակ էլ չունենք, որ կենտրոնանանք, մտածենք, թե ոնց հաղթահարենք այն: Կյանքը մեզ սովորեցրել է արագ մտածել ու օրերով մի պրոբլեմի վրա չկենտրոնանալ: Օրինակ՝ սկզբում ավելի ծանր էի տանում խնդիրները և դրանից ավելի վատ հոգեվիճակում հայտնվում: Հիմա այդքան էլ չեմ խորանում ու հարմար լուծում եմ գտնում»,- անկեղծացավ Մկոն և հավելեց, որ ծանր սթրեսի դեպքում հույզերը «ներս է գցում», չի արտահայտվում, քանի որ չի ուզում դիմացինին փոխանցել իր բացասական էներգիան: Ի տարբերություն Մկոյի՝ Հայկոն ավելի էմոցիոնալ ու զգացմունքային է: Չնայած Մկոն նշեց, որ չափազանց հավասարակշռված անձնավորություն է, այնուամենայնիվ, լինում են դեպքեր, երբ հունից դուրս է գալիս: «ՈՒՀԱ-ի խաղերից մեկն էր ու ողջ թիմով այնքան լավ էինք պատրաստվել այդ խաղին, որ պարտության մասին անգամ չէի կարող մտածել: Պատկերացրեք, թե ինչ կատարվեց ինձ հետ, երբ պարտվեցինք: Սկսեցի բռունցքներով պատերին հարվածել... միայն այն եմ հիշում, որ տղաներն ինձ մի կողմ էին քաշում, իսկ ձեռքերս էլ ամբողջովին արյան մեջ էին: Այս դեպքից հետո նման ծայրահեղ վիճակում դեռ չեմ հայտնվել»,- անկեղծացավ հումորիստը:

Հայկոն և Մկոն սեփական փորձից ելնելով՝ սթրեսը հաղթահարելու մի քանի «դեղատոմս» առաջարկեցին.
եթե ցանկություն ունես որևէ բան ջարդելու, ջարդի՛ր, կհանգստանաս
եթե ուզում ես լաց լինել, կապ չունի, կին ես, թե տղամարդ, ազատություն տուր արցունքներիդ
բղավի´ր, արտահայտվի՛ր, ներս մի՛ գցիր. հինգ րոպեից կհանգստանաս:

Վերջում Մկոն հավելեց, որ հաճախ սթրեսի հետևանքով սկսում է չափից ավելի ծխել, սակայն դա լավագույն ելքը չէ և խոստովանեց, որ խոսք է տվել առաջիկայում թողնել ծխելը:

«Ե՞ս Yes!» ամսագիր, արխիվ