ԱՄՆ-ն գոհունակություն է հայտնել Վրաստանում Սահմանադրական փոփոխությունների կապակցությամբ

ԱՄՆ-ի պետքարտուղարությունը հավանության է արժանացրել Վրաստանի խորհրդարանի կողմից ընդունած օրենսդիր և գոծադիր մարմինը ցրելու հարցում նախագահի լիազորությունները սահմանափակող Սահմանադրական փոփոխությունները. գրում է Trend-ը՝ հղում կատարելով վրացական հեռուստաընկերություններին:

«Վրաստանի խորհրդարանը միաձայն քվեարկել է այդ փոփոխությունների ընդունման օգտին, որը զրկում է նախագահին նոր կառավարություն նշանակել առանց խորհրդարանի համաձայնության:

ԱՄՆ-ն շնորհավորում է Վրաստանի ղեկավարությանն ու խորհրդարանական մեծամասնությանը նման կարևոր որոշման կապակցությամբ: Դա թույլ կտա ճանապարհ հարթել ժողովդավարության հաստատման համար և կառավարության ուշադրությունը հրավիրել իր առջև ծառացած բազմաթիվ խնդիրների վրա»,-ասված է պետքարտուղարության տարածած հայտարարության մեջ: