Հյուսիսային Կորեան իր հրթիռներն ուղղել է ԱՄՆ-ի Հավայան կղզիներին

Հյուսիսային Կորեայի ազգային բանակի հրթիռային մասերն ու հեռահար հրետանին բերվել է կատարյալ մարտական պատրաստվածության «երկրի ինքնավարության պաշտպանության շահերից ելնելով». տեղեկացնում է Կորեայի կենտրոնական հեռագրային գործակալությունը: Նման դիրքորոշումն արձագանքն է Հյուսիսային Կորեայի սահմանների մոտ Հարավային Կորեայի և ԱՄՆ-ի հետ համատեղ ընթացող մեծամասշտաբ մարտական զորավարժությունների:

ԿԺԴՀ-ի ղեկավարությունը զգուշացրել էր, որ հյուսիսկորեական հրթիռների համար թիրախ են հանդիսանալու ամերիկյան ռազմաբազաները Հավայան կղզներում, Հարավային Կորեայում և ԱՄՆ-ի մայրացամաքային տարածքում: «ԿԺԴՀ-ն այլևս չի պատրաստվում հանդուրժել ԱՄՆ-ի կողմից եկող սպառնալիքները»,-ասված է կորեական բանակի գերագույն հրամանատարության տարածած հայտարարության մեջ: