Սյունիքի մարզպետի թիկնապահը մա՞րդ է ծեծել գիշերային ակումբում

Մարտի 26-ին՝ ժամը 06.45-ին, հիվանդանոցից ոստիկանության Կապանի բաժնում ահազանգ է ստացվել, որ մարմնական վնասվածքներով և ալկոհոլային հարբածությամբ իրենց մոտ է տեղափոխվել 1970 թ. ծնված Արմեն Վ.-ն: Նրան ուղեկցող տղամարդու բացատրությամբ՝ Արմեն Վ.-ն վնասվածքը ստացել է նույն օրը, ժամը 05.30-ի սահմաններում, Սյունիք գյուղում գտնվող գիշերային ակումբի աստիճանահարթակից վայր ընկնելու հետևանքով:

Ձեռնարկված միջոցառումների շնորհիվ պարզվել է, որ Արմեն Վ.-ին նշված ակումբի աստիճանահարթակի մոտ մարմնական վնասվածքները հասցրել են 1970 թ. ծնված Զարզանդ Ն.-ն և 1976 թ. ծնված Դավիթ Բ.-ն:

Նշանակվել է դատաբժշկական փորձաքննություն: Այս մասին տեղեկանում ենք ոստիկանության լրատվական ծառայությունից:
Ձեռնարկվում են միջոցառումներ Զարզանդ Ն.-ին և Դավիթ Բ.-ին հայտնաբերելու ուղղությամբ:
Կատարվում է հետաքննություն:

Ըստ Henaran.am-ի՝ Կապանում շրջանառվող լուրերի համաձայն՝ Զարզանդ Նիկողոսյանը, ով Սյունիքի մարզպետ Սուրեն Խաչատրյանի թիկնապահն է, ծեծի է ենթարկել 43-ամյա Արմեն Վարդանյանին: