Ո՞վ է ԱԺ–ի ամենահարուստ կին պատգամավորը

Ընդունված տեսակետ է, որ ԱԺ պատգամավորները բավականին ունևոր են։ Իսկ ինչ ունեն կին պատգամավորները։ Slaq.am-ը ներկայացնում է ԱԺ կին պատգամավորների ունեցվածքը։

ՀՀԿ ական պատգամավոր Կարինե Աճեմյանը «Անշարժ գույք» բաժնում հայտարարագրել է 1 շինություն Երևանում (32.8 քմ մակերեսով) և 2 հողամաս Կոտայքի մարզում (4.3 հա ընդհանուր մակերեսով):

Հաշվետու տարվա եկամուտը՝ 3 մլն. 764 հազ. 410 դրամ (3 մլն. 414 հազ. 410 դրամը՝ պատգամավորի աշխատավարձ):

Դրամական միջոցները հայտարարագիրը ներկայացնելու օրվա դրությամբ՝ 2 մլն ՀՀ դրամ, 21 հազ. ԱՄՆ դոլար, 5500 եվրո:

Շարժական և թանկարժեք գույք, արժեթուղթ կամ այլ ներդրում, ըստ հայտարարագրի, չունի:

ՕԵԿ–ական պատգամավոր Հեղինե Բիշարյանի տարեկան դրամական եկամուտը՝ 3 մլն 609 հազ. 40 դրամ (պատգամավորի աշխատավարձ):

Դրամական միջոցները հայտարարագիրը ներկայացնելու օրվա դրությամբ՝ 32 հազ. ԱՄՆ դոլար:

Անշարժ, շարժական և թանկարժեք գույք, արժեթուղթ կամ այլ ներդրում, ըստ հայտարարագրի, չունի:

ՀՀԿ–ական պատգամավոր Մարգարիտ Եսայանը «Անշարժ գույք» բաժնում հայտարարագրել է 1 բնակարան՝ 78 քմ մակերեսով և 1 ամառանոց՝ 1200 քմ մակերեսով:

Ունի 1 ավտոմեքենա՝ «Տոյոտա Յարիս»:

Հաշվետու տարվա եկամուտը՝ 960 հազար դրամ:

Դրամական միջոցները հայտարարագիրը ներկայացնելու օրվա դրությամբ՝ 2000 ԱՄՆ դոլար:

Թանկարժեք գույք, արժեթուղթ կամ այլ ներդրում, ըստ հայտարարագրի, չունի:

ԲՀԿ–ական պատգամավոր Նաիրա Զոհրաբյանը «Անշարժ գույք» բաժնում հայտարարագրել է 3 բնակարան Երևանում՝ 200.6 քմ ընդհանուր մակերեսով:

Հաշվետու տարվա եկամուտը՝ 3 մլն 458 հազ. 40 դրամ (պատգամավորի աշխտավարձ):

«Դրամական միջոցները հայտարարագիրը ներկայացնելու օրվա դրությամբ» բաժինը չի լրացրել:

Շարժական և թանկարժեք գույք, արժեթուղթ կամ այլ ներդրում, ըստ հայտարարագրի, չունի:

ՀՀԿ–ական, նորեկ պատգամավոր Նաիրա Կարապետյանը «Անշարժ գույք» բաժնում հայտարարագրել է 1 բնակարան՝ 93 քմ մակերեսով:
հաշվետու տարվա եկամուտը՝ 2 մլն 880 հազ. դրամ (աշխատավարձ):

Դրամական միջոցները հայտարարագիրը ներկայացնլու օրվա դրությամբ՝ 3 մլն 100 հազ. դրամ:

Շարժական և թանկարժեք գույք, արժեթուղթ և այլ ներդրում, ըստ հայտարարագրի, չունի:

ՀՀԿ–ական պատգամավոր Արփինե Հովհաննիսյանն անշարժ և թանկարժեք գույք, արժեթուղթ կամ այլ ներդրում չի հայտարարագրել: Հայտարարագիրը ներկայացնելու օրվա դրությամբ չի ունեցել նաև դրամական միջոցներ:

Ըստ հայտարարագրի՝ ունի 1 ավտոմեքենա (Nissan Tida):

Հաշվետու տարվա եկամուտը՝ 4 մլն 378 հազ. 240 դրամ (աշխատավարձ):

ՀՀԿ–ական Մարինե Մարաբյանը «Անշարժ գույք» բաժնում հայտարարագրել է 2 բնակարան՝ 141.1 քմ ընդհանուր մակերեսով:

Հաշվետու տարվա եկամուտը՝ 30 մլն 319 հազ. 940 դրամ (22 միլիոնը՝ փոխառություն, մնացածը՝ աշխատավարձ «Ինթերնեշնլ Մասիս Տաբակ» ՍՊԸ-ից):

Դրամական միջոցները հայտարարագիրը ներկայացնելու օրվա դրությամբ՝ 40 մլն ՀՀ դրամ և 145 հազ. ԱՄՆ դոլար:

Շարժական և թանկարժեք գույք, արժեթուղթ կամ այլ ներդրում, ըստ հայտարարագրի, չունի:

ՀՀԿ–ական պատգամավոր Ռուզաննա Մուրադյանը «Անշարժ գույք» բաժնում հայտարարգրել է 1 բնակարան՝ 61.5 քմ մակերեսով:

Տարեկան դրամական եկամուտը՝ 307 հազ. 643 դրամ (աշխատավարձ):

Ըստ հայտարարագրի՝ շարժական և թանկարժեք գույք, արժեթուղթ կամ այլ ներդրում, դրամական միջոցներ, հայտարարագիրը ներկայացնելու օրվա դրությամբ, չունի:

ՀՀԿ–ական պատգամավոր Հերմինե Նաղդալյանը «Անշարժ գույք» բաժնում հայտարարագրել է 2 բնակարան Երևանում՝ 205.6 քմ ընդհանուր մակերեսով, 4 հողամաս՝ մոտ 1 հա տարածքով, 2 շինություն՝ 790 քմ ընդհանուր մակերեսով:

Հաշվետու տարվա եկամուտը՝ 781 մլն 548 հազ. դրամ (3 մլն 153 հազարը՝ պատգամավորի աշխատավարձ, մնացածը շահաբաժին և փոխառություն):

Դրամական միջոցները հայտարարագիրը ներկայացնելու օրվա դրությամբ՝ 100 մլն ՀՀ դրամ, 30 հազ.ԱՄՆ դոլար:

Շարժական և թանկարժեք գույք, ըստ հայտարարագրի, չունի:

Հայտարարագրի «Արժեթուղթ և այլ ներդրում» բաժնում նշել է «Բեգ-Միք» ՍՊԸ-ի 100 % բաժնետոմսի օտարում:

ՀՀԿ ական պատգամավոր Շուշան Պետրոսյանը «Անշարժ գույք» բաժնում հայտարարագրել է 1 բնակարան՝ 65 քմ մակերեսով և 1 արվեստանոց՝ 85 քմ մակերեսով:

Ունի 1 ավտոմեքենա (Պորշ Կայեն)

Հաշվետու տարում եկամուտներ ու դրամական միջոցներ, թանկարժեք գույք, արժեթուղթ կամ այլ ներդրում, ըստ հայտարարագրի, չի ունեցել:

ՀՀԿ–ական Կարինե Պողոսյանը հայտարարագրել է 1 բնակարան Արտաշատում՝ 63.6 քմ մակերեսով:

Հայտարարագիրը ներկայացնելու օրվա դրությամբ տարեկան եկամուտը՝ 2 մլն 40 հազ. դրամ, դրամական միջոցները՝ 500 հազար դրամ:

Շարժական և թանկարժեք գույք, արժեթուղթ կամ այլ ներդրում չի հայտարարագրել:

ՀԱԿ պատգամավոր Լյուդմիլա Սարգսյանը շարժական և թանկարժեք գույք, արժեթուղթ կամ այլ ներդրում, տարեկան եկամուտ և դրամական միջոցներ չի հայտարարագրել:

Լրացրել է հայտարարագրի միայն «Անշարժ գույք» բաժինը. ունի 1 բնակարան՝ 51 քմ մակերեսով:

ԲՀԿ ական պատգամավոր Էլինար Վարդանյանը «Անշարժ գույք» բաժնում հայտարարագրել է 1 բնակարան՝ 72.5 քմ մակերեսով:

Տարեկան դրամական եկամուտը՝ 8 մլն 160 հազ. դրամ, (660 հազ. դրամը աշխատավարձ, մնացածը՝ շահաբաժին և մեքենայի վաճառքից ստացված եկամուտ):

Դրամական միջոցները հայտարարագիրը ներկայացնելու օրվա դրությամբ՝ 26 մլն ՀՀ դրամ, 15 հազ. 300 դոլար:

Շարժական և թանկարժեք գույք, արժեթուղթ կամ այլ ներդրում, ըստ հայտարարագրի, չունի:

«Ժառանգություն» խմբակցության պատգամավոր Զարուհի Փոստանջյանը «Անշարժ գույք» բաժնում հայտարարագրել է 1 բնակարան՝ 77 քմ մակերեսով և 1 ավտոտնակ՝ 19.3 քմ մակերեսով Երևանում:

Հաշվետու տարվա եկամուտը՝ 3 մլն 401 հազ. 520 դրամ (պատգամավորի աշխատավարձ):

Շարժական և թանկարժեք գույք, արժեթուղթ կամ այլ ներդրում, նաև դրամական միջոցներ չի հայտարարագրել: