Հայ դերասաններից ովքե՞ր են համարվել լավագույնները

Մարտի 27-ին՝ Թատրոնի միջազգային օրվան նվիրված, կայացավ արդեն ավանդույթ դարձած և շատ սպասված ամենամյա Արտավազդ մրցանակաբաշխությունը: Հայաստանի թատերական գործիչների միության Արտավազդ մրցանակաբաշխությունը նվիրված է Մեծն դերասան Վահրամ Փափազյանի ծննդյան 125 ամյակին: Մրցանակաբաշխության Վահրամ Փափազյանի անվան մրցանակը շնորհվեց Սունդուկյանի անվան թատրոնի դերասան Մուրադ Ջանիբեկյանին:

Տարվա լավագույն երիտասարդ դերասանուհու կոչմանն արժանացավ Երևանի պետական կամերային թատրոնի դերասանուհի Անի Գրիգորյանը:

Տարվա լավագույն երիտասադ դերասան այս տարի արժանացան 2 հոգի՝ Իշխան Ղարիբյանը, Երևանի պատանի հանդիսատեսի թատրոնից և Արմեն Մարգարյանը Երևանի կամերային երաժշտական թատրոնի դերասան: Այս մասին հայտնում է slaq.am-ը:

Լավագույն երիտասարդ բեմադրիչ պատվավոր կոչմանն արժանացավ Սամսոն Ստեփանյանը, ով ի դեպ ծառայում է այս պահին Հայոց բանակում: Լավագույն երիտասարդական ներկայացում ճանաչվեց Սկոչ & Վիսկին, բեմադրող ռեժիսոր Արշալույս Հարությունյան:

Տարվա լավագույն դերասանուհու պատվավոր մրցանակը այս անգամ բաժին հասավ Լուիզա Ղամբարյանին՝ Երևանի դրամատիկական թատրոնի դերասանուհի: Այդ մրցանակի համար նոմինացված էր նաև Լուիզա Ներսիսյանը:

Տարվա լավագույն դերասան մրցանակին արժանացան 2 հոգի՝ Դավիթ Հակոբյանն ու Երվանդ Ենգիբարյանը:

Տարվա լավագույն ռեժիսոր պատվավոր մրցանակին արժանացան Ալեքսանդր Գրիգորյանն ու Հակոբ Ղազանչյանը:

Լավագույն Ներկայացումներ ճանաչվեցին՝ «Մորգանի խնամին» /Ալ. Շիրվանզադե/ բեմ.՝ Ե. Ղազանչյան, Հ. Պարոնյանի անվ. երաժշտական կոմեդիայի թատրոն, «Աբգար դպիր» բեմ.՝ Վահե Շահվերդյան, Վանաձորի Հ. Աբելյանի անվան պետական դրամատիկական թատրոն

{gallery}1124{/gallery}