Երիտասարդական նվագախումբ և «Ուսանողական ֆիլհարմոնիա»
ԱՐԽԻՎ
Վաղը՝ մարտի 29-ին, Առնո Բաբաջանյան համերգասրահում Հայաստանի պետական երիտասարդական նվագախումբը հանդես կգա անսամբլներով՝ ներկայանալով «Ուսանողական ֆիլհարմոնիա» նախագիծի շրջանակներում:
ՀՀ մշակույթի նախարարության աջակցությամբ կյանքի կոչվող այս միջոցառման հիմանանպատակն է ժամանակակից երիտասարդության շրջանակներում իրական արվեստի՝ մասնավորապես բարձրաճաշակ երաժշտության տարածումը:
Հատկանշական է, որ «Ուսանողական ֆիլհարմոնիայի» բացման հանդիսավոր արարողությունը նույնպես վստահվել էր Հայաստանի պետական երիտասարդական նվագախմբին՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ:
Երեկոյի ընթացքում կհնչեն Կարլ Դավիդովի, Հեյտոր Վիլլա-Լոբոսի, Վոլֆգանգ Ամադեուս Մոցարտի, Կոմիտասի/Սարգիս Ասլամազյանի, Աստոր Պիացոլլայի, Ռուբեն Ալթունյանի և Կառլոս Գարդելի ստեղծագործություններից:
Միջոցառման սկիզբը՝ ժամը 17:00:
Այսուհետ Հայաստանի պետական երիտասարդական նվագախմբի բոլոր համերգների յուրաքանչյուր գնված տոմսի արժեքի 10%-ը նվիրաբերվելու է «Նվիրի՛ր կյանք» բարեգործական հիմնադրամին, որն իր ամբողջ ներուժն ուղղում է քաղցկեղով և արյան հիվանդություններով տառապող հայ մանուկների կյանքի փրկությանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
