Իրանը, Սիրիան և Հյուսիսային Կորեան «դեմ» կրակեցին

Իրանը, Հյուսիսային Կորեան և Սիրիան արգելք են դրել ՄԱԿ-ում պատմության մեջ առաջին անգամ զենքի վաճառքի մասին միջազգային համաձայնության նախագծի վրա, քանի որ այն չի արգելում զենք վաճառել նրանց, ովքեր դրա միջոցով ագրեսիա են իրականացնում, ինչպես նաև նախագիծը չի ամրապնդում անդամ երկրների իրավունքը՝ գնել սովորական սպառազինություններ իրենց երկրների տարածքային ամբողջականությունը պահպանելու համար: Սակայն հնարավոր է, որ փաստաթուղթն ընդունվի առանց այդ երկրների դրական քվեի. գրում է Gazeta.ru-ն:

Նախագծի ընդունման համար անհրաժեշտ է բոլոր 193 անդամ երկրների համաձայնությունը: Նյու Յորքում ՄԱԿ-ի կենտրոնական գրասենյակում ընթացող խորհրդակցությունը չկարողացավ համոզել ԿԺԴՀ-ին, Սիրիային և Իրանին՝ հանել նախագծի ընդունման վրա դրված արգելքը: Փհենյանն ու Թեհրանը դեմ քվեարկեցին նախագծի ընդունմանը, նրանց միացավ նաև Սիրիայի պատվիրակությունը, որը հատկապես տագնապներ ունի, որ նման նախագիծը հնարավորություն կտա զենք մատակարարել սիրիացի ընդդիմադիր ապստամբ գրոհայիններին: Մեքսիկայի ներկայացուցիչն առաջարկեց անտեսել նրանց բացասական քվեն, նշելով, որ ՄԱԿ-ի կանոնակարգում հստակեցված չէ համաձայնության գալու համար նախատեսված փոխզիջման հասկացությունը:

Սակայն դրա դեմ իր հերթին դուրս եկավ Ռուսաստանը, նշելով, որ նման առաջարկը փոխզիջման հասկացության նկատմամբ պարզապես մանիպուլյացիա է:

Խորհրդակցությունն այդպես էլ համաձայնության չեկավ զենքի վաճառքի համաշխարհային համաձայնագրի ստորագրման հարցում:
Փաստաթուղթն ուղղվել է ՄԱԿ-ի գլխավոր քարտուղար Բան Կի Մունին, ով այն մոտ ժամանակներս կդնի Գլխավոր Ասամբլեայի քննարկմանը: Բան Կի Մունն իր հերթին իր դժգոհությունն է հայտնել նախագծի շուրջ համաձայնության չգալու կապակցությամբ: