Անհայտ փաստաբանը կոշիկ է նետել Պակիստանի նախկին նախագահի վրա

Անհայտ փաստաբանն ուրբաթ օրը կոշիկ է նետել Պակիստանի նախկին նախագահ գեներալ Փերվեզ Մուշարաֆի վրա, երբ վերջինս դուրս էր  գալիս Սինդ նահանգի Կարաչի քաղաքի գերագույն դատարանից, որը երկարաձգել է նրա փաստացի անձեռնմխելիությունը ձերբակալությունից, որը նրան սպառնում է մի շարք մեղադրանքների դիմաց:

Ինչպես գրում է Geo News-ը, կոշիկը չի դիպել գեներալին: Միջադեպից հետո Մուշարաֆին անվտանգ տեղ են հասցրել:

Ուրբաթ օրը դատարանը նրա համար մուծված գրավի դիմաց 15 օրով երկարաձգել է  նրա անձեռմխելիության ժամկետը:

Նշենք, որ Մուշարաֆը մեղադրվում է մի շարք սպանությունների համար:

Հիշեցնենք նաև, որ նա Դուբայից հայրենիք էր վերադարձել այս կիրակի օրը: Երկրում գործող «Թալիբան» ծայրահեղական շարժումը սպառնում է սպանել նրան: