Ինչո՞ւ էր Արսենը ցանկանում գրողի ծոցն ուղարկել լրագրողին

Այս անգամ esyes.am-ը որոշեց ծուղակ պատրաստել դերասան Արսեն Գրիգորյանի համար: Երբ զանգահարեցի նրան, դեռ քնած էր ու հարցախեղդ անելու համար ստիպված էի արթնացնել:) Ինչպես պարզվեց, զրույցի ընթացքում Արսենը վատառողջ էր ու նախորդ գիշեր բարձր ջերմություն էր ունեցել: Երբ դերասանին ուղղեցի հարցեր, որոնց մեկ անգամ արդեն պատասխանել է, երկրորդ անգամ դրանց պատասխանեց առանց մի վայրկյան կասկածելու, որ նրա համար ծուղակ ենք լարել:

Զրույցի վերջում Արսենին տեղեկացրեցի, որ այս հարցերին մեկ անգամ արդեն պատասխանել է ու հետաքրքրվեցի, արդյոք նրա մոտ դեժավյու չառաջացավ, քանի որ ամեն օր լրագրողը դերասանին չի հարցնում՝ քեզ երբևէ գրողի ծոցն ուղարկե՞լ են:), նա էլ համաձայնեց, որ նման հարցեր ամեն օր չեն հնչում ու չհիշելը պայմանավորեց քնաթաթախ լինելով: Ի դեպ, Արսենին շատ հետաքրքրեց, թե նախորդ անգամ ինչ պատասխան է տվել այդ հարցին, երբ ասացի, որ լրագրողին խոստացել է գրողի ծոցն ուղարկել, եթե էլի հարցեր տա, կուշտ ծիծաղեց:
Առաջարկում ենք կարդալ և իմանալ, այս անգամ ինչ է ասել Արսենը: