Հայ եւ ռուս «Ձայների» միավորումը

Ռուսական «Գոլոս» (Ձայն) հայտնի նախագծի մասնակիցները ելույթ կունենան «The Voice»-ի եզրափակչի մասնակիցների հետ՝ հայկական նախագծի եզրափակիչ համերգում: Այդ մասին հայտարարել է Jazz Parking նախագծի ղեկավար, երգչուհի Անժելիկա Ալֆերովա-Հարությունյանը: Երեւանի «…Yans» ակումբում կայացած ասուլիսի հիմնական թեման դարձավ Jazz Parking-ը՝ շատ հայտնի նախագիծ Ռուսաստանում, որը միտված է համախմբելու տաղանդավոր կատարողներին, որոնք բոլոր երգերը կատարում են կենդանի ձայնով:

«Գիտեք, երգիչներին ես քասթինգներում չեմ հավաքում եւ հատուկ ընտրություն չեմ անցկացնում: Մեր դռները բաց են բոլոր ցանկացողների համար: Միակ բանը, որ ես խնդրում եմ ցույց տալ, LIVE-video-ն է, քանի որ այլկերպ հնարավոր չէ գնահատել երգչի պրոֆեսիոնալ տվյալները: Ինձ, որպես վոկալի դասատու, բավական է լսել մի կտոր՝ պարզելու, թե ինչ է իրենից ներկայացնում մասնակիցը: Եւ մեզ մոտ երբեւէ դեպք չի եղել, որ մենք բաց թողնենք տաղանդին: Եթե այն կա, ուրեմն կատարողը կհայտնվի մեզ մոտ: Այժմ էլ պատրաստվում ենք Մոսկվա շրջագայության տանել հայկական Jazz Parking-ի մանսակիցներին», - պատմել է Անժելիկան:

NEWS.am STYLE-ի թղակցի հարցին, թե ինչ է նշանակում 177 թիվը նախագծի էմբլեմի վրա, Ալֆերովա-Հարությունյանը պատասխանեց, որ դա իր մեքենայի համարն է: Ինչ վերաբերում է էմբլեմին, Անժելիկան ասաց. «Դա զուտ իմ ցանկությունն է։ Ես այն մեկ վայրկյանում եմ նկարել՝ հորինել գունային գամման»:

Նշենք, որ ջազային համերգը կայանալու է ապրիլի 1-ին, ժամը 21-ին Yans ակումբի սրահում: Ջազային երեկոների երեւանյան տարբերակը կայացել է շնորհիվ Անժելիկայի, Երեւանում Jazz Parking-ի ներկայացուցիչ Արման Մարգարյանի, պրոդյուսեր Արտակ Ներսիսյանի եւ Yans-ի ներկաայցուցիչների: Ծրագրին մանսակցելու են մարգարիտա Պոզոյանը, Էդվարդ Խաչատրյանը, Գայանե Զախարովան, Արտյոմ կաչարյանը, նաեւ հայկական Voice-ի մասնակիցները: Հատուկ հյուրերի թվում են Sona-ն, Շուշան Պետրոսյանը, Գոռ եւ Եվա Սուջյանները, Տիգրան Պետրոսյանը, Նիկ Եգիբյանը, Վահագն Հայրապետյանը եւ այլք: