Google-ը ապրիլի 1-ին կատակով վախեցրել է իր օգտատերերին

Ապիլմեկյան առաջին կատակը խաղացել է ինտերնետ հսկա Google ընկերությունը, ով հայտարարել է իրեն պատկանող YouTube կայքի փակման մասին ապրիլի մեկից մինչև 2023թ. ընկած հատվածը:

«Ուղիղ ապրիլի 1-ի կեսգիշերին YouTube կայքը կդադարեցնի իր աշխատանքը: Դա արվելու է այն նպատակով, որ մասնագետները կարողանան առաջիկա 10 տարիների ընթացքում որոշել կայքի գործունեության ընթացքում այնտեղ տեղադրված բոլոր ժամանակների լավագույն տեսահոլովակի հեղինակի անունը»,-ասել է Google ընկերությունը:

Մենք պետք է նորից դիտենք անցյալ 8 տարիների ընթացքում կայքում տեղ գտած բոլոր տեսահոլովակները, որից հետո ժյուրին վճիռ կկայացնի: Դրա համար մեզ 10 տարի է անհրաժեշտ, և մի քանի հազար փորձագետն. նշել է ընկերությունը:

Մրցույթի հաղթողը ստանալու է MP-3 նվագարկիչ և 500 դոլար գումար՝ իր հաջորդ տեսահոլովակը նկարահանելու համար. մեջբերում է ИТАР-ТАСС-ը:

Բացի այդ, ընկերությունը խորհուրդ է տվել իր օգտատերերին հնարավորինս արագ նորից նայել բոլոր դուր եկած տեսահոլովակները, քանի դեռ նրանք չեն հեռացվել կայքից: