Թուրք ընդդիմությունը պնդում է, որ ամերիկյան ԿՀՎ-ն գաղտնալսում է խորհրդարանը
Թուրքիա
Թուրքական ընդդիմադիր Ժողովրդա-հանրապետական կուսակցության պատգամավոր Էրդալ Աքսյունգերը հայտարարել է, որ ԱՄՆ-ի Կենտրոնական հետախուզական վարչությունը գաղտնալսում է Թուրքիայի խորհրդարանը նրա մոտակայքում գտնվող գաղտնի օբյեկտի միջոցով. մեջբերում է РИА Новости-ն:
Ապօրինի գաղտնալսման փաստերի խորհրդարանական հանձնաժողովի անդամ հանդիսացող պատգամավորը երկուշաբթի օրը լույս տեսած «Աքշամ» թերթին հայտարարել է, որ գաղտնալսումն իրականացվում է լավ պաշտպանվող տարածքից, որն Անկարայի կենտրոնում գտնվող խորհդրարանի շենքից հեռու է 2 կմ: Գործողությունն իրականացվում է ԿՀՎ-ի գեներալներից մեկի կողմից, իսկ այդ տարածքում պարզապես վխտում են Ամերիկայի հետախուզության գործակալները:
«Թե ինչու կամ կոնկրետ ում են նրան գաղտնալսում Մեջլիսում (խորհրդարան), ինձ հայտնի չէ: Անմիջապես այն բանից հետո, երբ մեզ հայտնի դարձավ նման օբյեկտի գոյության մասին, մենք հայց ուղարկեցինք հակահետախուզական դեպարտամենտի Անվտանգության հարցերով գլխավոր տնօրինությանը և Ազգային հետախուզական կազմակերպությանը, սակայն այդ գերատեսչություններից չստացանք ո՛չ դրական, ո՛չ էլ բացասական պատասխան»,-ասել է Աքսյունգերը, նշելով, որ մտադիր է գաղտնալսման հարցը բարձրացնել խորհրդարանում:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
