Աշոտյանն ու Նալբանդյանը կմեկնե՞ն Բաքու
Արտաքին Քաղաքական
Ապրիլի 11-13-ը Ադրբեջանի մայրաքաղաք Բաքվում տեղի կունենա խոշոր միջոցառում` Միջազգային հարաբերությունների Մոսկվայի պետական համալսարանի շրջանավարտների ֆորում. գրում է ИА Rex-ը:
Նման միջոցառման կազմակերպումն Ադրբեջանում նախագահական ընտրություններից կես տարի առաջ այդ ԲՈՒՀ-ի շրջանավարտ գործող նախագահ Ալիևի նախընտրական քարոզարշավի քայլերից մեկն է. գրում է գործակալությունը:
Այստեղ տրամաբանական հարց է առաջանում՝ արդյոք այդ ԲՈՒՀ-ի բոլոր շրջանավարտնե՞րն են հրավիրվելու միջոցառմանը: Հասկանալի է, որ Եվրոպայի դիվանագետները կստանան այդ հրավերը: Իսկ ահա կարժանանա՞ նման «բախտի» Հայաստանը:
Միջազգային հարաբերությունների Մոսկվայի պետական համալսարանի վառ շրջանավարտներից են ՀՀ արտգործնախարար Էդվարդ Նալբանդյանն ու ԿԳ նախարար Արմեն Աշոտյանը:
Գործակալությունը նշում է, որ ըստ պաշտոնապես չհաստատված տեղեկությունների՝ նման հրավեր դեռևս ստացել է միայն Հայաստանի ԱԳՆ ղեկավարը, սակայն հրավերն ընդունելու կամ մերժելու մասին որևէ տեղեկություն չկա:
Նշենք, որ այդ հրավերն ուղարկում են ոչ թե Բաքվում միջոցառման կազմակերպիչները, այլ Միջազգային հարաբերությունների Մոսկվայի պետական համալսարանի համապատասխան բաժնի աշխատակիցները: ԲՈՒՀ-ի շրջանավարտ ՌԴ արտգործնախարար Սերգեյ Լավրովն արդեն մերժել է հրավերը՝ վկայակոչելով իր սուղ գրաֆիկը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
