Ո՞վ է Մարին Ջոնի Կարապետյանի համար
Հասարակություն
Երգիչ Ջոնի Կարապետյանի երգացանկում և տեսահոլովակներում հաճախ է շահարկվում Մարի անունը: «Մարի, Մարի» երգը թողարկելուց հետո մեկ այլ տեսահոլովակում, երբ երգչին զանգ է գալիս, նկատելի է, որ զանգահարողը Մարին է:)
esyes.am-ը որոշեց երգչից ճշտել, սա պատահականություն է, թե՞... ինչպես կարելի էր ենթադրել, նման զուգադիպություններ չեն լինում: «Դա պատահականություն չէ, սակայն չեմ ուզում բացել փակագծերը: Երբ ցանկանամ խոսել այդ մասին, խոստանում եմ առաջինը «Ե՞ս Yes!»-ին պատմել մանրամասները»,- ասաց Ջոնին ու հավելեց, որ ինքը չի սիրում, երբ երգիչները խոսում են անձնական կյանքի մասին:
Առաջիկայում Ջոնի Կարապետյանը պատրաստվում է նոր տեսահոլովակ նկարահանել, որը պատրաստ կլինի մայիս-հունիս ամիսներին: Երգի անունն ասել նա չցանկացավ. «Ամբողջ էֆեկտը վերնագրի մեջ է, այդ իսկ պատճառով առայժմ գաղտնի եմ պահում»:
Այս շրջանում երգիչն աշխատում է նաև իր երկրորդ ձայնասկավառակի վրա, բացի այդ բանակցություններ է տանում համերգով հանդես գալու վերաբերյալ: Թեև երգիչը նշեց, որ մենահամերգով հանդես գալ չի շտապում. «Ես կարծում եմ, որ պահը պետք է հասունանա, որպեսզի երգիչը մենահամերգ տա: Մի ձայնասկավառակ թողարկելով, մի քանի հիթային երգ ունենալով մենահամերգ չեն տալիս: Դա մի աշխատանք է, որին պետք է երկար պատրաստվել և հագեցած շոու-ծրագրով ներկայանալ, ոչ թե զուտ ասելու համար, թե մենահամերգ ունեցա»:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
