Մադոննայի իսկական «մեծությունն ու հմայքը». նրա եղբայրը մուրացկան է

Այն ժամանակ, երբ Մադոննան աշխատում էր իր առաջին միլիարդը, պարզվում է, նրա հարազատ եղբայրն ամենաիսկական թափառական է: 55-ամյա Էնթոնի Չիկկոնեն գիշերում է կամրջի տակ և ապրում է ողորմության շնորհիվ: Նա միշտ ասում է, որ ընտանիքը «թքած ունի իր վրա»:

«Մադոննան խորապես թքած ունի՝ արդյոք ո՞ղջ եմ ես, թե մեռած: Նա սեփական աշխարհում է ապրում»,- ասում է նա:

Էնթոնիին սնունդ բերում է հայրը, ընդ որում, դա չի նշանակում, որ նրանց հարաբերությունները լավ են. «Նա չի ցանկանում, որ իրեն անհանգստացնեն: Նա կարծում է, որ ես այսպես դիտմամբ եմ ապրում: Հայրս երջանիկ կլիներ, եթե ես մեռնեի, որովհետև նա ստիպված չէր լինի իմ մասին հոգ տանել»։

Փոփ-թագուհու եղբայրն ասում է, որ ավելի լավ կլիներ աշխատեր, քան թե անտուն լիներ: Սակայն մամուլը նշում է, որ նա կորցրել է աշխատանքն ընտանեկան խաղողի այգիներում այն ժամանակ, երբ նրան կասկածել են հարբեցողության մեջ: Նրան վերջերս մեկ ամսով ձերբակալել էին եկեղեցում ոչ սթափ վիճակում հայտնվելու համար: Իսկ ահա Չիկկոնեն պնդում է, որ ինքն ալկոհոլային կախվածություն չունի:

Էնթոնին 8 քույրերից ու եղբայրներից ավագն է: Նա քրոջ՝ Մադոննայի հետ վատ հարաբերություններ ունեցել է դեռ մանկուց: Չնայած դրան՝ Մադոննան ու հայրը վճարել են Չիկկոնեի բուժման համար, սակայն նա հրաժարվում է այն շարունակել:

«Ես երբեք քրոջս ոչինչ չեմ խնդրել: Նա ինձ պարտական չէ: Նա իր փողերն է աշխատում, իսկ ես նույնիսկ սնունդ չունեմ: Եթե նրան այդպես դուր է գալիս, ապա դա իր խնդիրն է»,- հավելել է Էնթոնին: Այս մասին գրում է 1in.am-ը: