«Դիլիջան առողջարան» ՓԲԸ-ում հայտնաբերվել են մի շարք խախտումներ
Հայկական Մամուլ
ՀՀ պետական եկամուտների կոմիտեի Իջևանի տարածքային հարկային տեսչության իրականացրած ստուգումների արդյունքում «Դիլիջան առողջարան» ՓԲԸ-ում, որն ավելի հայտնի է «Դիլիջան Ռեզորթ» անունով, հայտնաբերվել են մի շարք խախտումներ:
«Ժողովուրդ»-ը տեղեկացել է, որ Իջևանի ՏՀՏ-ն դիմել է ՀՀ վարչական դատարան`18 միլիոն 390 հազար 763 դրամ գանձելու պահանջով: Իսկ «Դիլիջան առողջարան» ՓԲԸ-ն էլ հակընդդեմ հայցով պահանջել է չեղյալ համարել Իջևանի ՏՀՏ-ի կողմից 2013թ. հունվարի 9-ին կազմված թիվ
1008042 ստուգման ակտի «Շահութահարկ» բաժնի 1-ին կետը և «Ավելացված արժեքի հարկ» բաժնի 1-ին և 4-րդ պարբերությունները:
Տեղեկացնենք, որ Դիլիջան քաղաքի Գետափնյա 66 հասցեում գործող «Դիլիջան Ռեզորթ» առողջարան-հյուրանոցըքաղաքի ամենաշքեղ հանգստյան օբյեկտներից է, որը պատկանում է ԱԺ պատգամավոր Արկադի Համբարձումյանի (Դերժավայի Արկադի) ընտանիքին: ԱԺ պատգամավորը, սակայն, երեկ հրաժարվել է «Ժողովուրդ»-ի հետ զրուցել այս թեմայով. «Ես ոչ մի հարցի չեմ պատասխանում»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
