«Հրապարակ». «Պարզ է՝ Լևոնը թռավ». Գուրգեն Արսենյանը տեսնում է ապագա՞ն
Հայկական Մամուլ
ԲՀԿ-ի դե ֆակտո քաղաքապետացու, ՄԱԿ նախագահ Գուրգեն Արսենյանի մտերիմներից մեկն օրերս բավականին հետաքրքիր վերհուշ պատմեց «Հրապարակին»: Ըստ դրա, երբ 97-ին ինքն ու Աժ նախկին փոխխոսնակ Արա Սահակյանը մեկնել են Մոսկվա՝ մասնակցելու Պետդումայի նիստին, Մոսկվայում հանդիպել են հայ գործարար Գուրգեն Արսենյանին: Արա Սահակյանը, վերջինիս դիմելով, ասել է՝ աչքդ լույս, վերջապես վարչապետ ունեցանք: Ո՞վ է, հարցրել է Արսենյանը: Ռոբերտ Քոչարյանը՝ Ղարաբաղի նախագահը: «Պարզ է՝ Լևոնը թռավ». եղել է Արսենյանի արձագանքը: Մի քանի ամիս հետո Լևոն Տեր-Պետրոսյանը, իսկապես, «հայտնի ուժերի» պարտադրանքով հրաժարական տվեց:
Օրերս Գուրգեն Արսենյանին թերթը հարցրեց, թե ինչու էր նման միտք հայտնել այն ժամանակ: «Որովհետև ես տեսնում եմ ապագան՝ պատճառահետևանքային կապը»: Այն ժամանակ Դուք Մոսկվայում էիք, ինչպե՞ս կարող էիք «տեսնել Հայաստանի ապագան»: «Ապագան տեսնելու հետ դա ոչ մի կապ չունի»: Թե՞ պարզապես ճանաչում էիք Քոչարյանին, դրա համար էլ գիտեիք՝ ինչով դա կվերջանար: «Ոչ, չէի ճանաչում Քոչարյանին»: Գուցե Ռուսաստա՞նը գիտեր, թե ինչով կվերջանար, դրա՞ համար: «Ո՝չ»,- կտրուկ արձագանքեց Արսենյանը: Պայծառատե՞ս եք: «Ո՝չ, պետք է պարզապես կարողանալ տեսածն անալիտիկայի ենթարկել»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
