40 տարի առաջ այս օրը զանգեց աշխարհում առաջին բջջային հեռախոսը
Աշխարհ
1973թ. ապրիլի 3-ին` 40 տարի առաջ, Motorolla ընկերության ինժեներ Մարտին Քուփերը կատարեց աշխարհում առաջին բջջային հեռախոսի զանգը իր մրցակից Bell Laboratories ընկերության գործընկեր ինժեներ Ջոել Էնգելին: Զանգահարելով նրան` միակ բանը, ինչ նա ասաց, հետևյալն էր. «Ես քեզ զանգում եմ իսկական բջջային հեռախոսից»:
Բջջային հեռախոսից կատարված առաջին զանգը փաստացիորեն դարձավ հեռահաղորդակցման ոլորտում նոր դարաշրջանի մեկնարկ:
Մարտին Քուփերը զանգել էր DynaTAC մոդելի` աշխարհում առաջին բջջային հեռախոսից, որն ուներ 1.15 կգ քաշ, իսկ նրա չափերը կազմում էին 22,5х12,5х3,75 սմ: Հեռախոսը բաղկացած էր 2 հազար դետալից, իսկ հեռախոսի մարտկոցի լիցքը բավականացնում էր ընդամենը 20 րոպե խոսելու համար:
Բջջային հեռախոսի մշակման համար ընկերությունը ծախսեց 15 տարի և 90 մլրդ դոլար:
«Այդ ժամանակ աշխարհում օգտագործում էին 14կգ-անոց հեռախոսներ, ուստի այդ բոլոր ֆունկցիաները 1.15 կգ-անոց հեռախոսում տեղավորելը մեծ նվաճում էր»,-ասում է Bell Laboratories ընկերության համակարգային մշակումների ղեկավար Ռիչարդ Ֆրենկելը. մեջբերում է Мaxpark-ը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
