«Ժողովուրդ». Բաղդասարովը պատրաստվում է նոր օդանավակայան կառուցե՞լ

«Ժողովուրդ»-ի` կառավարությանը մոտ կանգնած աղբյուրները փոխանցել են, որ Միխայիլ Բաղդասարովը պատրաստվում է նոր օդանավակայան կառուցել Ռումինիայում: «Նշենք, որ օրերս «Արմավիա» ավիաընկերությունը դադարեցրեց իր չվերթերը, հայտարարելով, թե սկսում է սնանկացման գործընթաց:

«Ժողովուրդ»-ը փորձեց տեղեկությունը պարզել «Արմավիա»-ի հասարակայնության հետ կապերի և լրատվության վարչության ղեկավար Նանա Ավետիսովայից, սակայն վերջինս համառորեն չէր պատասխանում մեր հեռախոսազանգերին: Իսկ լրատվական ծառայությունից փոխանցեցին, որ տեղեկությունը չի համապատասխանում իրականությանը, մշտապես նման լուրեր շրջանառվել են, ու մշտապես իրենք հերքել են այդ տեղեկությունը։