Սաուդյան Արաբիայում հանցագործին դատապարտել են անդամալուծության

Սաուդյան Արաբիայում 24-ամյա Ալի ալ Հավահիրին անսովոր պատիժ է սպառնում այն բանի համար, որ նա 10 տարի առաջ դանակով հարվածել էր իր ընկերոջ թիկունքին, որի արդյունքում վնասվել էր վերջինիս ողնաշարը, և նա՝ ընդմիշտ ադամալույծ, գամվել է հաշմանդամի սայլակին:

Ալ Հավահիրը այս 10 տարիների ընթացքում բանտում է եղել, սակայն տուժածին թվում է, որ դա բավական չէ: Նա պահանջել է իրեն 270 մլն դոլար փոխհատուցում վճարել: Դատարանը բավարարել է նրա այդ պահանջը, չնայած ի սկզբանե տուժածը կրկնակի շատ գումար էր ուզել: Եթե դատապարտյալը չկարողանա ճարել այդ գումարը, ապա նրան շատ ավելի սարսափելի պատիժ է սպառնում: Դա ո՛չ մահապատիժն է, որը կիրառվում է Սաուդյան Արաբիայում, ո՛չ էլ ցմահ ազատազրկումը: Գումարը չվճարելու դեպքում Ալ Հավահիրին բժշկական միջոցներով անդամալույծ կդարձնեն: Նման կերպով սաուդյան արդարադատությունը կիրականացնի «ակն ընդ ական և ատամն ընդ ատաման» հայտնի սկզբունքը. գրում է Saudi Gazette-ը:

Մի խումբ կարեկից մարդիկ արդեն սկսել են գումար հայթայթելու գործընթացը: Ալիի մայրը դիմել է ամենատարբեր կառույցներին՝ որդուն սպասվող վտանգից ազատելու համար: Նա պատմել է, որ տղան հանցագործությունը կատարել է 14 տարեկան հասակում, և ողջ այդ ընթացքում ընտանիքը գումար է հավաքում տղային փրկելու համար: Սակայն դա այնքան էլ հեշտ գործ չի, քանի որ կինը միայնակ է ամուսնու մահից հետո և անձամբ աղքատության մեջ է ապրում:

Կալանավորի պաշտպանությամբ հանդես է եկել Amnesty International միջազգային իրավապաշտպան կազմակերպությունը, որը կարծում է, որ անդամալուծումը՝ որպես պատիժ, իրենք դիտում են իբրև ծայրահեղ անընդունելի երևույթ նույնիսկ Սաուդյան Արաբիայի նման պահպանողական երկրի համար: